Ангилал

Сайтын талаар ярилцъя Уншигчдын санал бодол

АНХААР: Хэрхэн тархиа амрааж бясалгах вэ?Уншсан3,284

Хэдэн мянган жилийн тэртээгээс хүмүүс зөв амьсгалах аргаар бясалгал хийдэг байжээ. Ингээд хэрхэн бясалгах энгийн аргыг хүргэе

Хаа сайгүй яарсан завгүй хүмүүс дүүрэн энэ нийгэмд тархи байтугай биеэ ч тайвшруулж амраахад хэцүү. Тэр тусмаа бясалгал гэдэг зарим хүмүүсийн хувьд их холын юм шиг санагддаг биз ээ. Бидний та бүхэнд хүргэх дасгалыг “Амьсгалах урлаг: Сэргэг ухаантай амьдрах нууц” номноос товчлон хүргэж байна.

 

Хэдэн мянган жилийн тэртээгээс хүмүүс зөв амьсгалах аргаар бясалгал хийдэг байжээ. Ингээд хэрхэн бясалгах энгийн аргыг хүргэе

Эргэн тойрны чимээгээ чагна. Доошоо суугаад нүдээ ань. Эргэн тойронд сонсогдох бүх чимээг сонсох гэж хичээгээрэй. Сонсохыг хүсэхгүй гэж өөрийгөө хориглохынхоо оронд хэдэн хором ч болтугай сонсоод нэг үзээрэй

Хөлийн хуруунаас эхлэн бүх биеэ юу мэдэрч байгаад анхаарлаа хандуулаарай. Хөлийн хуруу, шагай, өвдөг, гуяа, ташаа гээд л аажуухнаар дээшилнэ шүү.

Амьсгал авч байгаадаа анхаарлаа хандуул. Агаар хэрхэн хамраар тань орж, гарч байгааг нь. Юуг ч өөрчлөх гэсний хэрэггүй.

Юм бодохгүй гэж хичээх хэрэггүй. Хичээх бүрд бодогдоод л байх болно. Тиймээс бодлоо хорихгүйгээр хэсэг ажиглаад, аажим аажим тархиа амрааж бодлууд биенээс тань гадагшилж байна гэж бодоорой

Бодлоо цэгцлэхдээ толгойд орж ирсэн шинэ бодлуудыг хориглох хэрэггүй шүү. Юу ч хамаагүй бодогдвол, бодогдож л байг. Аажмаар амьсгалаа гаргахдаа бодлоо цугтаа гарга.

Бодлоо тоохоо больсны дараа юу болохыг ажигла. Таны тархинд яг л мөс шиг хайлж байгаа биз? Бодлоо шүүмжлэх, элдвээр ургуулахгүй байхад юу болохыг мэдрээрэй. Удалгүй танд хов хоосон л мэдрэгдэнэ. Тэвчээртэй үргэлжлүүлээрэй

Тархиа цэгцэлснийхээ дараа анхаарлаа амьсгалдаа хандуулаатай. 10 орчим минутын дараа эргэн тойрондоо анхаарлаа хандуулж нүдээ нээгээрэй.

Уг бясалгалыг өдөрт 10-20 минут хийгээрэй.

Сэтгэгдэл 0ЭнгийнХэвтээБосооСэтгэгдэл бичих-Aa+
Санамсаргүй нийтлэл [ Энд дарна уу ]