Ангилал

Сайтын талаар ярилцъя Уншигчдын санал бодол

Талийгаачтайгаа гэр бүлийн зураг авахуулах моод дэлгэрсэн ньУншсан13,059

Дээрх зургийг та анхааралтай хараарай. Жирийн л нэг олон хүүхэдтэй айлын эртний зураг гэж харагдаж байна уу. З

Юуны өмнө жихүүдэс төрөм түүх хүүрнэх болсондоо уншигчдаасаа хүлцэл өчье. Гэхдээ л энэ бол хүний түүхийн нэгэн үеийн үнэн бодит зүйл. Дээрх зургийг та анхааралтай хараарай. Жирийн л нэг олон хүүхэдтэй айлын эртний зураг гэж харагдаж байна уу. Зургийн нууц нь хамгийн бага хүүхэд нь хэдийнэ нөгөө ертөнцөд одсон байгаад оршино.

 

XIX зууны дундаас хойш үед Европын ихэнх орнуудад хачирхалтай гэмээр нэгэн уламжлал ихэд дэлгэрсэн аж. Энэ нь үхэгсэд буюу нас барсан төрөл төрөгсөдтэйгөө гэрэл зураг авахуулах заншил. Ийм аймаар ч гэмээр уламжлал ялангуяа Англид ихэд түгэн дэлгэрч байв. 1840-өөд оноос 1900 он хүртэлх хугацааг Англид хатан хаан Викториагийн үе гэдэг.

Энэ үед л будант арлын оронд нас барагсадтай зураг авахуулах нь заавал хийх ёстой зан үйл болчихоод байв. Гэрэл зураг авахын өмнө гэр бүлийн нас барсан хүнийг яг л амьд мэт харагдуулах нэлээдгүй ажиллагаа бүхий гоо сайхны үйлчилгээ хийгддэг байсан бөгөөд багагүй үнэ өртөгтэй байсан учир ихэвчлэн хөрөнгө чинээтэй баячууд энэхүү үйлчилгээний гол эзэд байсан гэдэг. Нас барагсдыг амьд мэт харагдуулсан бол гол ажилдаа орж зургийг нь авч эхэлнэ. Үнэмшмээргүй ч энэ бол бодит түүх.

Яагаад ухаант хүн ийм хачирхалтай зүйл хийдэг байна аа гэж та гайхаж байна уу.

Тухайн үед амьдарч асан хүмүүсийн зүгээс харахад энэ нь тийм ч аймшигтай, эвгүйцмээр заншил биш байсан бололтой. Учир нь анагаах ухаан өндөр хөгжөөгүй тул хүүхдийн эндэгдэл их, ер нь тэгээд хүмүүсийн наслалт ч бага байжээ. Хамгийн гол нь хайртай дотны хүнээ дахин үүрд харахгүй тул амжиж ганц гэрэл зураг хамт авахуулах гэсэн л санаа явж байгаа юм. Төр засгийн зүгээс энэ явдалд ямар нэгэн хориг саад тавиагүй нь ийм хачирхалтай уламжлал дэлгэрэхэд ихэд хүргэсэн.  Тэгээд ч гэрэл зураг гэдэг маань бий болоод удаагүй, шинэхэн сонихон дээрээ соёлт хүн төрөлхтөний хамгийн ололт дэвшил болоод байсан тул ийм хачин уламжлал хүчээ авч байж.

Зургуудыг сайн ажиглавал хэн  нь нөгөө ертөнцийнх, хэн нь амьд хүн бэ гэдэг нь илт ялгарахуйц. Хүний харц бүхнийг ойлгуулна даа.

Мэдээж хэрэг нас барсан хүнийг босоогоор нь зогсооно гэдэг нь багагүй хөдөлмөр ордог байж. Тэр чинээгээрээ үйлчилгээний үнэ өснө.
Нас барсан хүнийг хөлдээр нь босгоход ийм багаж ашигладаг байж.
Ажил ид өрнөж байна, иймэрхүү үйлчилгээ үзүүлдэг гэрэл зургийн газрын ажилтнуудын авах цалин хөлс ч өндөр байж. Нэг ёсондоо тухайн үеийнхээ цэцэглэн хөгжиж байсан бизнесийн тоонд  орж байж дээ.
Ганц Англи, Европт ч биш, Америкт ийм үйлчилгээ ид цэцэглэж байв
Барагтай л үйлчилгээ үзүүлэгч газрууд нөгөө ертөнцийн иргэдийн нүдийг тун үнэмшилтэй нээж чаддаггүй байж л дээ. Ийм нөхцөлд яг л унтаж байгаа мэтээр зураг дээр дүрсэлнэ.
Тун болохгүй бол гэр бүлийнх нь гишүүдийн хүсэлтийн дагуу "нүдэн дээр нь нүд" зурчихдаг байж.
Сэтгэгдэл 3ЭнгийнХэвтээБосооСэтгэгдэл бичих-Aa+
2 сар 23. 15:47
Зочинб

хөөрхийдөө хайр л юм даа.

9 сар 12. 12:52
Зочин

манайд иймэрхүү гэрэл зураг харин ч ашигтай байх юм биш үү анй

2 сар 23. 6:14
Зочин

аймаар юм бэ

Сэтгэгдэл бичих
Санамсаргүй нийтлэл [ Энд дарна уу ]