Ангилал

Сайтын талаар ярилцъя Уншигчдын санал бодол

Телепатын мөрдөлтУншсан4,566

"Психотрон эзвсэг буюу Сэтгэцэд нөлөөлөх үйлчлэл (тусгай албадын нууц төслүүд)" хэмээх 2016 онд хэвлэгдсэн онц сонирхолтой номыг бүтээгчдийнх нь зөвшөөрөлтэйгөөр цувралаар нийтэлж байна.

Ц.Насанбат, Л.Алтансүх нарын "Психотрон зэвсэг буюу Сэтгэцэд нөлөөлөх үйлчлэл (тусгай албадын нууц төслүүд)" хэмээх 2016 онд хэвлэгдсэн онц сонирхолтой, шинэхэн номыг бүтээгчдийнх нь зөвшөөрөлтэйгөөр цувралаар нийтэлж байгаа билээ. Энэ удаа номын "Телепатын мөрдөлт" өгүүллийн хэсгээс хүргэж байна.


Телепатын мөрдөлт

 

...Генерал Б.Ратниковын хэлсэн үгнээс ишлэл авъя.

“...Бидний ажилд Улсыг аюулаас хамгаалах хороо (УАХХ)-той хамтран ажилладаг маш хүчтэй зөн билэгтнүүд тусалж байсан. 1991 онд би хамгийн авьяаслаг хэдэн хүмүүсийг цуглуулж жижиг баг бүрдүүлсэн.

Тэд зөөлөн буйдан дээр тухлан суугаад хэрэгтэй улстөрчийнхөө тархинд тохируулан (хэдийгээр тэд олон километрын зайтай байсан ч хамаагүй) обьектийг зөөлөн ховсод оруулж, асуултаа тавьдаг байлаа.

Ярилцлагад оролцогч хүмүүс өөрөө өөртэйгөө ярьж байгаа мэт санагдах боловч үнэн хэрэгтээ тэд манай тусгай албадад мэдээлэл өгч байгаа юм. Хэрвээ хэн нэгэн улстөрч өөрөө өөртэйгөө ярихыг хүсэхгүй байгаа бол өөр хөтөлбөр “залгадаг” байлаа.

Түүнтэй амьд маргаан өрнүүлсэн түүний найз, эсхүл хамтран ажиллагч, эсхүл түүний шүүмжлэгчийн дуу хоолой тархинд нь холбогдоно.

Харин манай операторууд энэ мэдээллийг уншдаг. Эдгээр яриануудын үр дүнд бид улс төрийн түвшинд үүсч болзошгүй багагүй гай зовлонг холдуулж, бас хэрэгтэй мэдээллийг авч чадаж байсан билээ” гэжээ.

Ийм зүйлд та итгэх үү? Материалист хүмүүжлээр хүмүүжсэн, прагматик үзэл бодолтой, инженер, хуульч хүний хувьд зохиогч бивээр лав итгэхэд туйлын хэцүү мэт санагдана. Гэсэн ч орчлон ертөнцөд шинжлэх ухааны одоогийн судалгаа, туршилтын арга, аргачлалаар, танин мэдэхүйн түвшинд үл тайлагдах, үл ойлгогдох учир битүүлэг хичнээн үйл явдал, үзэгдэл байгааг бид “сонирхогчийн” хэмжээнд гайхан хардаг билээ.

“Танин мэдэхүй гайхахаас эхэлдэг” гэсэн алдарт үг өөрийн эрхгүй санагдана. Энэ утгаар нь бодвол шинжлэх ухаан, практик туршилтаар батлагдаагүй л бол итгэх хэрэггүй гэсэн уламжлалт хандлагад болгоомжтой хандах хэрэгтэй. Алдарт Нострадамус, Ванга, тэрчлэн Монголын болон гадаадын зөн билэгчид, бошго хэлэгч, иш үзүүлэгчдийн хэлсэн зүйл тухай бүртээ төдийгүй тодорхой хугацааны дараа бүрэн биелсэн гэдэгтэй бид маргадаггүй.

Хүний сэтгэцийн хэт чадавхиар хийгддэг бүх төрлийн телепати харилцаа, бөө мөргөл, зарим шашны зан үйлүүдийн нарийн энергийн мөн чанарыг шинжлэх ухааны одоогийн аргаар судлан тогтоох боломжгүй нь харагдаж байна.

Учир нь шинжлэх ухаан аливаа юмс үзэгдлийг батлахдаа заавал материаллаг ертөнцийн бодигаллаг хүртэхүйн хүрээнд асуудалд ханддаг нь эзотерик ухааны үүднээс тайлбарладаг юмс үзэгдэлд үнэн зөв, утга учиртай үнэлгээ өгөх боломжийг хязгаарлаж байна.

Асуудлыг шинжлэх ухааны түвшинд ч судлах хэрэгтэй, эзотерик ухааны үүднээс ч харж ойлгохыг хичээх хэрэгтэй юм.

 

 

ЭХ СУРВАЛЖ: "Психотрон эзвсэг буюу Сэтгэцэд нөлөөлөх үйлчлэл (тусгай албадын нууц төслүүд)"

Хэрвээ та номыг худалдаж авахыг хүсвэл Мир, Интер номын дэлгүүрийг зориорой.

Сэтгэгдэл 0ЭнгийнХэвтээБосооСэтгэгдэл бичих-Aa+
Санамсаргүй нийтлэл [ Энд дарна уу ]