Ангилал

Сайтын талаар ярилцъя Уншигчдын санал бодол

Орчин цагийн Эйффел буюу Миллау гүүр

Эйфелийн цамхагтай харьцуулсан учир нь гүүрний долоон багана Эйфелийн цамхагтай ойролцоо ба бүр нэг нь Эйфелийн цамхагаас ч өндөр бөгөөд хоёуланг нь нэг компани “Eiffage” барьжээ.

Дэд бүтцийн дэвшилтэт технологийг танилцуулах цувралаа Франц улсын үзэсгэлэнт Миллау гүүрээр эхлүүлж байна. Эйфелийн цамхагтай харьцуулсан учир нь гүүрний долоон багана Эйфелийн цамхагтай ойролцоо ба бүр нэг нь Эйфелийн цамхагаас ч өндөр бөгөөд хоёуланг нь нэг компани “Eiffage” барьжээ. Энэхүү дэд бүтцийн инженерүүдийн бүтээсэн 343 метрийн өндөр урлан нь дэлхийн хамгийн өндөр гүүр билээ.

Миллау гүүр 2.4 км урттай ба Франц улсын ‘Тарн’ хөндий дээгүүр Парис хотыг дундад газартай холбох А-75 замын нэг хэсэг юм. 1960-аад оны үеэс аялал жуулчлал эрчимтэй хөгжиж Миллау хотын орчмын орон нутгийн зам ачааллаа дийлэхгүй болж олон цагийн түгжрэл үүсэн нутгийн иргэдийг, жуулчдыг ч ихэд цухалдуулж ирсэн учир 1996 онд Миллау хотын захиргаа ‘Тарн’ хөндийг дээгүүр нь гатлах гүүрний төслийг эхлүүлсэн. Энэхүү гүүр нь өндрөөсөө гадна, ердөө гуравхан жилийн дотор (2001-2004 оны хооронд) хувийн хэвшлийн компаниар баригдаж дууссанаараа дэлхийн рекорд гүүр хэмээх цолыг авсан билээ.

Гүүрний ерөнхий загварыг Английн архитектор Лорд Фостер бүтээсэн ба үүнийгээ “ Эрвээхэй адил нандин” гэж тодотгосон. Манантай өдөр яг л өтгөн үүлс дунд дарвуулт завинд суугаад хөвж буй мэт үзэгдэх энэхүү бүтээлээ тэрээр ‘Тарн’хөндийн байгалийн онцлогт уусгаж туурвижээ.

 

Загвар:

Миллау гүүр нь кабельд бэхлэгдсэн төрлийн гүүр юм. Энэ төрлийн гүүрийг барихдаа өндөр баганууд босгож баганын оройгоос хоёр тийш тэгш хэмтэйгээр кабель татаж тавцангийн ачааллыг баганын орой уруу, баганын ачааллыг суурь уруу шилжүүлдэг. Энэ технологийн тусламжтайгаар хоорондоо хол зайтай цөөхөн баганатай гүүр барих боломжтой. Миллау гүүр хоорондоо 204-342 метрийн зайтай долоон баганаас тогтдог.

Суурь багана:

Миллау гүүрний нийт масс нь 9 (2 талын өндөрлөг, 7 ширхэг багана) цэгт хуваагдаж байдаг. Багана бүрийг 15 метр гүн, 5 метрийн радиустай бетон цутгамлаар газар бэхэлсэн ба суурь багануудад нийтдээ 53,000м³ бетон ба 23,450тонн ган цутгамал ашиглагджээ.

Тавцан:

Тавцан нь газрын гадаргаас 270 метр өндөрт баригдсанаар дэлхийн рекорд болсон. Нийт 2,460 метр урт, 32.04 метр өргөн, 4.2 метр өндөртэй. Голдоо цамхагийн суурь байрлаж, дөрвөн эгнээ авто замтай байхаар төлөвлөгдсөн. Зөвхөн ган ашиглаж барьснаар 36,000 тонн жинтэй болсон ба энэ нь бетон ашиглаж барихтай харьцуулахад харьцангуй хөнгөн болсон ажээ.

Цамхаг:

Долоон ширхэг багана бүр дээр 89 метр өндөр цамхагууд байрлах бөгөөд тус бүр 11 кабелиар тавцантай холбогдсон байна. Зүүн талын зураг дээр буйчлан, 89 метр өндөр цамхагийг ойролцоогоор 90гаруй давхар байшин(270м)-тай адил өндөрт байгаа тавцан дээр босгохын тулд 4,000 жилийн өмнө эртний Египетчүүдийн хэрэглэж байсан аргаар төв тэнхлэгээр эргүүлж босгосон. Энэ технологийг манай эринд хэн ч өмнө нь хэрэглэж байгаагүй билээ.

Угсралт:

Кабельд бэхлэгдсэн гүүрийг барихдаа цамхагуудаа босгоод өргөгч кран ашиглан тавцанг хэсэгчлэн газраас өргөж цамхагтай кабелиар холбодог. Гэвч Миллау гүүр нь газраас дээш 270 метр буюу 90 гаран давхар байшинтай тэнцэхүйц өндөрт учир өргөгч кран ашиглан 36,000 тонн жинтэй тавцанг өргөж холбох нь боломжгүй гэгдэж байсан билээ.

Боломжгүй зүйлийг хийхэд ашиглагдсан шинэ технологи нь гүүрний хоёр талын үзүүр буюу уулын өндөрлөг талуудаас тавцанг хэсэг хэсгээр тавьж гулгуулж араас нь залгасаар гүүрний гол хэсэгт тавцан нийлж бүтэн гүүр болсон. Энэ үед асар хүнд тавцанг баганууд дээгүүр гулгуулахын тулд түр хугацааны туслах найман баганыг (зурагт харагдах улаан) мөн нэмж байрлуулсан. Тавцанг гүүр барих газрын хоёр талын өндөрлөг газраас төв цэг рүү зөөвөрлөхдөө олон тооны шингэн даралтын хөдөлгүүрийг ашиглан цагт 9 метрийн хурдтайгаар 28 хоногийг зарцуулжээ.

Т.Мөнхдалай

Киото ИС, Инженерийн факультет, Олон улсын инженерчлэл Б2

Сэтгэгдэл 5ЭнгийнХэвтээБосооСэтгэгдэл бичихAa
  • Аа
  • Аа
  • Аа
  • Аа
  • Аа
  • Аа
  • Аа
  • Аа
  • Аа
  • Аа
  • Аа
  • Аа
  • Аа
  • Аа
  • Аа
2016, 10 сар 26. 13:56
Зочин

sn bn uu. gvvrnii talaar hicheel orsiimaa tegeed ene deed pailig chin huulj leegst tawih gesii boloh bolow uu

2016, 10 сар 12. 10:39
Зочин

yaaya yamar goy niitlel ve hediigeer manai ulsad iim gaihaltai buteel hiij chaddaggui ch chaddag bolohod jaahan l hugatsaa heregtei gej bodoj baina uneheer saihan zuil bichjee

2016, 10 сар 4. 15:21
Зочин

Minii hamgiin durtai site shu amjilt husye

2016, 10 сар 3. 13:43
Зочин

ene gyyrnii xajuud baidag jijig xotod amidarch bailaa

2016, 10 сар 3. 11:49
Зочин

бичээд байгаарай. амжилт хүсье. чамд ч гэсэн шинэ боломж байгаа

Санамсаргүй нийтлэл [ Энд дарна уу ]