Ангилал

Сайтын талаар ярилцъя Уншигчдын санал бодол

Зика вирусыг америкийн эм үйлдвэрлэгчид санаатай тараасан уу?Уншсан1,212

Тоо баримт харвал долларын тэрбумтнуудыг баяжуулсан гол бизнес нь уул уурхайгаас гадна эмийн үйлдвэрлэл, эрүүл мэндийн бүтээгдэхүүнүүд байх аж.

Манай гаригийн тэргүүн баячуудын ихэнхийнх нь бизнес уул уурхай, баялгийн олборлолт гэж та бодож байгаа байх л даа. Тийм ч байх. Гэхдээ тоо баримт харвал долларын тэрбумтнуудыг баяжуулсан гол бизнес нь уул уурхайгаас гадна эмийн үйлдвэрлэл, эрүүл мэндийн бүтээгдэхүүнүүд байх аж. Дэлхий дээр бүх нийтийг хамарсан аюулт өвчнүүд тархсан жилүүдэд эмийн үйлдвэрлэл эрхлэгчдийн ашиг орлого тэнгэрт  тултал огцом өсдөг нь нэгэнт батлагджээ. Ер нь хүн төрөлхтөний хөгжил дэвшил, техник  технологийн ололт жилээс жилд өсөн нэмэгдсээр байхад яагаад өвчлөл нэмэгдээд, олон янзын элдэв өвчнүүдийн тоо толгой өсөөд байдаг юм бол. Энэ асуултын хариуг мөнөөх л эмийн үйлдвэрлэл эрхлэгчдээс хайх хэрэгтэй гэж үздэг хүмүүс цөөнгүй байдаг гэнэ. Бүр эмийн үйлдвэрлэл эрхлэгчид эрдэмтэд, цэргийнхэнд хүртэл элдвийн вирус захиалж суудаг гэх. Тэгэхээр муугаар ярихад эдгэршгүй, эсхүл эдгэрэхэд тун ярвигтай өвчнүүдийн тоо толгой өсөх тусам л тэдгээр тэрбумтнуудын халаас зузаарч таарах нь ээ. Хүмүүнлэгийн үүднээс харахад ийм муухай зүйл байж боломгүй мэт. Энэ яриатай холбогдуулаад нэг жишээ татья л даа.

 

Үхлийн аюулт Эбола вирусын тухай яриа намжиж амжаагүй байтал дэлхийд ээлжит аюулт өвчин нүүрлэсэн. Энэ нь Зика вирус бөгөөд дэлхий даяар ихэд тархсан. Энэ вирусын аюул Африк, Хойд, Өмнөд Америк, Ази, Номхон далайн бүсэд бүртгэгджээ. Ийнхүү шинэ газар нутгийг хамарч, хүчээ авсан аюулын талаар Оросын Хэрэглэгчдийн хяналт шалгалтын тэргүүн асан, ОХУ-ын Ерөнхий сайдын туслахаар ажиллаж байсан Геннадий Онищенко нэгэн зоримог мэдэгдэл хийж байв. Тэрээр “Зика бол өрнөдийнхний биологийн зэвсэг” гэжээ. Түүний хэлсэн үгийг Британийн мэргэжилтнүүд, хэвлэл мэдээллийнхэн ч тун удалгүй баталж орхив

Онищенкогийн хэлж буйгаар 2012 онд Абхазад, Хар тэнгисийн эргээр Зика вирусыг тээгч шумуулын шинэ зүйл бүртгэгдэж байсан гэнэ. Энэ талаар Онищенко “Намайг яагаад шумуул бүртгэгдсэн Абхазын эрэг зовоогоод байна гээч. Яагаад гэвэл энэ шумуул байсан газар буюу манай хилтэй хамгийн ойрхон тэрхүү бүсэд АНУ-ын армийн микробиологийн лаборатори байдаг” гэж Британийн ВВС агентлаг өгсөн ярилцлагадаа дурджээ.

Өөрөөр хэлбэл Зика вирус дамжуулагч шумуул баригдсан энэ бүс АНУ-ын арми байгуулаад дараа нь Гүржийн Өвчний хяналтын үндэсний төвд шилжүүлсэн биологийн судалгааны төвөөс ердөө л 100 километрийн зайтай аж. Тиймээс Оросын хэрэглэгчдийн хяналт шалгалтын төвийн экс тэргүүн Геннадий Онищенко Америкийн лабораторийн ойролцоо Зика дамжуулагч шумуул байсныг энгийн нэгэн давхцал гэж үзэхгүй байна. Түүний хэлснээр энэ бол санаатайгаар, зориуд хийсэн зүйл гэнэ.

Зика вирус дэлхий даяар асар хурдацтай тархаж байна. Энэ тахалд Өмнөд Америкийн иргэд илүүтэй өртөж байгаа юм. Оросын Эрүүл мэндийн сайд Вероника Скворцова ч өмнө нь вирусыг дэлхий даяар зохиомлоор тарааж байж болзошгүй гэж мэдэгдсэн билээ.

Геннадий Онищенкогийн зоримог мэдэгдлийг Их Британийн мэргэжилтнүүд яаж баталсан бэ?

Тус улсын “Mirror” хэвлэлд мэдээлснээр Зика вирусыг Рокфеллерийн сангийн генетикчид бүтээсэн байж болзошгүй гэнэ. Нийтлэлийг бичигч хувийн эх сурвалжаас авсан мэдээллээсээ эш татан уламжлахдаа тахал Бразилд санамсаргүйгээр тархсан гэнэ. Тиймээс мэргэжилтнүүд “Зика вирус бол өөрчилсөн биологийн зэвсэг” гэж үзэж байна хэмээжээ.

Тухайлбал Иллинойсын их сургуулийн профессор Фрэнсис Бойлын хэлснээр Зика вирус бол тэрбумтан Рокфеллерийн сангийнхны 1947 онд бүртгэсэн генетикийн өөрчлөлттэй биологийн зэвсгийн шинэ төрөл юм байна. Тухайн үед дэлхий дахинд биологийн зэвсэг хадгалах, боловсруулахыг хориглосон ч энэ вирус патентаа авч байсан аж.

Тэгэхээр энэхүү аюултай вирусыг удаан хугацааны судалгааны явцад гаргаж авсан гэсэн үг. Өмгөөлөгч Беньямин Шахназаров “Яах гэж ийм юм хийдэг вэ. Иймэрхүү судалгаа шинжилгээний ажлыг юуны өмнө шинжлэх ухаан, анагаах ухааны зорилгоор хийдэг. Вирус гаргаж авлаа. Дараа нь тэрхүү вирустай тэмцэх вакцинаа боловсруулахын тулд төсвөөс зардал гаргуулж өч төчнөөн ажил хийдэг. Ингээд энэ ажил биологийн зэвсэг болж ч хувирах магадлалтай" хэмээн “РЕН ТВ”-д ярилцлага өгчээ.

Өнөөдөр хүссэн хүн бүр судалгаа, туршилтад зориулан вирусын дээжийг ердөө 600-хан еврогоор худалдан авч болно. Ингээд хүсвэл хүн төрөлхтнийг аврах эмийг зохион бүтээнэ гэсэн үг. Гэхдээ тухайн хүн аюулт өвчний эсрэг шидэт эм зохион бүтээлээ гэхэд түүний патентын бүх эрх Америкийн санд л шилжинэ.

Оросын тусгай албаны түүхч Валерий Малеваный “Дайн байлдааны зорилгоор бактериологийн зэвсэг зохион бүтээдэг байсан бол өдгөө худалдаа, ашгийн төлөө зохиож байна. Тухайлбал Зика вирус дээр жишээ татаж ярихад, ашгийн төлөө үүнийг зохион гаргаад эргээд түүнтэй тэмцэх вакцин эм бэлдмэлийг нь улс орнуудын засгийн газруудад асар өндөр үнээр зарах гайхалтай өндөр ашиг бүхий бизнесийн салбар болж хувираад байна” гэж мэдэгджээ.

“Mirror”-ын мэдээлснээр Зика вирусыг 2012 онд шумуулд халдаах замаар тараасан болох нь батлагдаж байна. Нийтлэл бичигч “Биотехнологийн шинжээчид Денгегийн тахал тархахтай тэмцэж, шавж гаргасан. Үүнийгээ 2012 онд Бразилд тараасан. Гэвч хөтөлбөрийг бий болгох үедээ шинжээчид тооцооны алдаа гаргаснаас цаашдын үр дагаврыг нь хянаж, харж чадаагүй” гэж бичжээ.

Зика вирус насанд хүрэгчдэд үхлийн аюул дагуулдаггүй. Харин жирэмсэн эхийн урагт нөлөөлдөг. Халдвар авсан эмэгтэйгээс бичил тархины хам шинжтэй хүүхэд мэндэлдэг. Энэ нь биеийн бусад хэсэг том багаараа хэвийн хэмжээтэй мөртлөө гавал яс болон уураг тархи жижиг болох эмгэгийг хэлдэг. Ийм хүүхдүүдийн гавал хөгждөггүй бөгөөд цаашид оюуны хомсдолтой болдог байна.

Ийм аюулт вирус тараах нь америкчуудын хувьд үзэл бодлоо тулгах, мөн дэлхийн хүн амын өсөлтийг зохицуулахад хэрэгтэй гэж шинжээчид үзэж байна. Гэхдээ аливаа вирусын вакциныг эрдэмтэд амархан гаргаж авч дөнгөөд байгаа. Жишээлбэл, Эбола вирусын вакциныг тун богино хугацаанд бүтээсэн. Харамсалтай нь үүнээс олсон мөнгө санг л арвижуулна.

Геннадий Онищенко АНУ-ын эсрэг үг дуугарахаасаа айсангүй. Харин Америкийн зүгээс түүнд ямар нэгэн хариу барьсангүй. Заримдаа ярьснаас амаа хамхисан нь ч дээр юм бил үү.

Ийм л явдал болсон юм. Тэгэхээр эндээс ажиглавал шинжлэх ухаан технологийн ололтыг эцсийн эцэст мөнгө санхүүгээ арвижуулах буруу гарын  бизнест зориулдаг хэрэг үү. Ийм зүйл байж болно гэж үү. Хүн төрөлхтөний эрүүл ахуйг улам сайжруулж чадвал эм, эмийн бүтээгдэхүүний салбар хумигдах нь тодорхой. Өвчингүй бол эмээр яах вэ дээ.

Эцэст нь хэлэхэд дээрх яриа үнэн ч бай худал ч бай, зөв хооллолт, эрүүл амьдрах урлагт суралцаж чадвал заавал эм худалдаж авах шаардлага юу байх вэ дээ?

Сэтгэгдэл 1ЭнгийнХэвтээБосооСэтгэгдэл бичих-Aa+
10 сар 8. 10:48
Зочин

монгол улсын хэмжээнд үндэсний аюулгүй байдлын талаарх асуудал чухал болоод байна ЗИКА, ЭБОЛОО вирусаас монгол улсаа хамгаалах ёстой. Гэвч мөнгөний төлөө тои гүрнүүд вирус тараах замаар жижиг гүрнүүдийг устгах бодлого явуулж байгааг монгол улс анхааралдаа авах ёстой

Сэтгэгдэл бичих
Санамсаргүй нийтлэл [ Энд дарна уу ]