Ангилал

Сайтын талаар ярилцъя Уншигчдын санал бодол

"Би амьдралаараа дэнчин тавьж, эцэст нь нэг юм гишүүн болсон... Та нар ойлгохгүй байна уу?"Уншсан3,048

Монголд бол одоогоор олны өмнө гэмээ наминчилсан ийм жишээ байхгүй. Ойрын үедээ гарах ч магадлалгүй.

Нэлээдгүй хэдэн жилийн өмнө Японд энэ явдал болжээ. Үүнийг нэхэн сануулахын учир нь улс төрийн ёс зүй өндөртэй гэгдэх Японы улстөрчид олон нийтийн шүүмжлэлээс хэрхэн айж, гэмээ наминчилдгийг харуулах гэсэн хэрэг. Монголд гэж үү. Монголд бол одоогоор олны өмнө гэмээ наминчилсан ийм жишээ байхгүй. Ойрын үедээ гарах ч магадлалгүй. Улстөрчид ямар ч хэрэгт холбогдсон бай биеэ өмөөрнө, бүлэг нь нам нь улстөрчөө өмөөрнө, ядаж л парламент нь хаалттай хуралдаад л авч үлдэхийг хичээгээд байдаг.

 

2014 онд Японы Хюго мужийн ассамблейн гишүүн 47 настай Рютаро Нономура гэгч татвар төлөгчдийн мөнгөөр аялж, зугаалсан хэрэгт буруутгагдан олон нийтээс хүчтэй шүүмжлэл хүлээжээ. Энэ хэрэгт Рютаро Нономура тайлбар өгөлгүй удаан явсны эцэст хэвлэлийн бага хурал зарлан, олны өмнө эхэр татан уйлан байж тайлбар хийсэн байна. Тэрээр "Японы нийгмийг өөрчилмөөр байна...би амьдралаараа дэнчин тавьсан...Би эцэст нь нэг юм гишүүн болсон... Та нар ойлгохгүй байна уу..." хэмээн эхэр татан уйлжээ. Түүний уйлж буй бичлэг тухайн үед олон нийтийн сүлжээнд шуугиан тарьж, хүмүүс янз бүрээр хүлээн авч байгаа аж.

Рютаро Нономура 2013 онд нийт 106 удаа албан томилолт нэрээр татвар төлөгчдийн мөнгөөр Японы халуун рашаант амралтын газарт аялж, зугаалсан аж. Тус халуун рашаант амралтын газарт тэрээр гурван сая иен /ойролцоогоор 30 мянган ам.доллар/ зарцуулсан гэнэ. Уг нь Хюго мужийн ассамблейн гишүүд сард 500 мянган иен /ойролцоогоор 5000 ам.доллар/-ыг албан томилолтод зарцуулах эрхтэй байдаг аж. Гэтэл Рютаро Нономура нийт 195 хоногийн албан томилолтынхоо ихэнхийг Киносаки гэх халуун рашааны амралтын төвд өнгөрүүлсэн баримт олны өмнө дэлгэгдсэн гэдэг.

Сэтгэгдэл 0ЭнгийнХэвтээБосооСэтгэгдэл бичих-Aa+
Санамсаргүй нийтлэл [ Энд дарна уу ]