Ангилал

Сайтын талаар ярилцъя Уншигчдын санал бодол

Монгол эрсийг номхотгосон гурван хүйтэн чулууны домогУншсан17,988

Манж гүрний зүгээс монголчуудад зориулсан битүү далд утгатай олон бодлого хэрэгжүүлсэн тухай янз бүрийн мэдээллүүд байдаг.

Манж гүрний зүгээс монголчуудад зориулсан битүү далд утгатай олон бодлого хэрэгжүүлсэн тухай янз бүрийн мэдээллүүд байдаг. Түүний нэг болох гурван чулууны тухай нийтлэл фэйсбүүкт бичигдсэний хэсгээс та бүхэнд хүргэж байна. Хэрхэн хүлээж авч, тунгаах нь мэргэн уншигч таны мэдэх хэрэг бүлгээ.


Манж нар Монголчуудыг нэг мөсөн эрхшээлдээ оруулахын тулд

1.Дагасан хан, ноёдод өндөр цол хэргэм өгч оройдоо тогосны өдтэй "ОТГО ЖИНС" хэмээх хүйтэн чулуун шигтгээтэй малгай өмсгөж оюун ухаантай тархийг нь номхотгосон. Тогос гэдэг үзэсгэлэнт шувуу хүний гараас л бэлэнчлэн юм идэж, өөрийгөө л тордохоос өөр зүйл хийдэггүй ганган шувуутай адил манж хүний үгээр байлгахыг ёгтолж ёрлосон нь тэр.

 

2.Ухаант цэцэн, уран цэлмэг үгтэй амыг нь таглан хазаарлахын тулд хүйтэн чулуун соруултай "ГААНС" хэмээх зүйлийг аманд нь зуулгаж хорт утаа соруулан мансууруулж номхотгосон. "Гаанс"-ны тамхи хийдэг хэсэг нь жижигхэн тул хэд сороод л дуусдаг тул байн байн "цэнэглэх" шаардлагатай, түүндээ сатаараад олон үг ярихаа болж хүйтэн чулуугаар утаа сорон мансуурч суудаг болсон нь тэр.3.Илд бамбай барьдаг байсан хүчит халуун гарт нь хүйтэн чулуун "ХӨӨРӨГ" хэмээх зүйлийг атгуулан номхотгосон. "Хөөрөг" хэмээх хүйтэн чулууг гартаа атгасанаар халуун илчээ алдаж, өвөртөө хийснээр бөөрөө жиндүүлж, хүүхэн сонирхсон эр хамрын тамхи татах үед сэрэл буурч, хүсэл дарагддаг байснаар монголчуудын хүн амыг өсгөхгүй барьж байсан хорт бодлого нь тэр.Монголчууд хэзээч энэ "отго жинс", "гаанс", "хөөрөг" гэгч хэв загвар оруулсан хүйтэн чулуунуудыг манжийн эрхшээлд ортлоо өдөр тутам огт хэрэглэж яваагүй, мэддэг ч үгүй байсан гэхэд хилсдэхгүй.Эдгээр хүйтэн гурван чулуу бүхий хэрэглэгдэхүүний ёгт ёрын уршгаар Монгол эрсийн цөс дарагдаж, дайчин зан, эрэмгий чанараа алдаж, хүйтэн гурван чулууны жинд түүртэн доройтож харийнхний гарт ногтлогдсон гашуун түүхтэй хэмээн домогт үгүүлжээ.

МОНГОЛ ДЭЭЛИЙГ НУДАРГАТАЙ БОЛГОСОН Ч, МОНГОЛЧУУД ХАРИУ БЭЛГЭДЭЛ БАРЬЖЭЭ

Эртнээс монголчууд хахуульд дургүй байж ээ. Үүнийг монгол дээлний нударга илэрхийлэн гэрчлэх юм. Монгол үндэсний дээл нударгатай болсон нь манжуудаас хахууль авахгүй гэснийх байж. Энэ талаар Х.Нямбуу гуай “Хамгийн эрхэм ёсон” номондоо тодорхой өгүүлсэн байх юм.

Монгол хувцасны түүх бол манай ард түмний эрх чөлөөний тэмцлийн түүх. Манж хятад нар монголчуудын гарт ембүү мөнгө атгуулж, гарын бяр чадлыг тушин хахуульдаж Монголын газар нутгийг эзлэх далд санаа агуулж байсан гэдэг. Тэгээд монголчуудын дээлийн ханцуйг тал ембүү хэлбэрийн нударгатай болгосон ажээ. Дээлийн нударгыг буулган хоёр ханцуйгаа нийлүүлж, хоёр нударганы омгийг гадагш хандуулан баривал яг л юмбүү мөнгө мэт, салангид харвал морины шилбэ, туурай мэт харагддаг гэнэ. Энэ нь мөнгөн ембүүгээ гарт нь бариулан хүлж, туурай мэт хадаж авая гэсэн утгатай тул дайсны хорон санаа, ёгт ёрлолын арганд автахгүй гэж монгол хүн нударгаа ямагт эргүүлдэг, эргүүлэггүй үедээ дотор тийш нь хумин нугалж, багцлан шууж явдаг болсон түүхтэй ажээ.

Одоо Монгол тамганы хөшөөн дээрх Манж Чингийн бэлгэдлийг сольж, Хятадын хэвт боов еэвэнг Монгол ёс, уламжлалт идээнийхээ дээр үл байрлуулж хэвших хэрэгтэй.

Шалтгааныг өгүүлбэл, Хятадын "намрын дунд [еэвэн] сарын баярын тухай: 2008 оны 10-р сарын 01-нээс жил бүр Хятадад амралтын алтан долоо хоног буюу бүх нийтийн амралтын өдрүүд тохиож байгаа бөгөөд цэргийн парад, дуу хуур, бүжиг наадам болж, салют буудан, уран зургийн үзэсгэлэн гарч, зах дэлгүүрүүд хямдрал зарладаг тул иргэд нь худалдан авалт өргөнөөр хийдэг.

Намар цагт тэнгэр цэлмэг, үүлгүй байх агаад шөнөдөө сар тод гэрэлтэж харагддаг тул хамгийн тод бөгөөд гэрэлтэх тэр шөнөөр Хятадад намрын дунд сарын баярыг тэмдэглэдэг. Энэ жилийн 10-р сарын 04-ний өдөр намрын дунд сарын баяр (Mid-Autumn festival zhongqiujie) буюу намрын арван тавны бүтэн сартай шөнө нь тохиож байгаа ажээ.

Жоу улсын үеэс уг баярыг тэмдэглэж эхэлсэн бол 2008 онд бүх нийтийн амралтын өдөр хэмээн хуульчилснаар өдгөө хаврын баярын дараа орох томоохон арга хэмжээ болжээ.Намрын дунд сарын баярын үеэр Хятадууд гэр бүлээрээ цуглан үндэсний хоолоо идэн, тосгоны айл өрхүүд ургац хураахад дахин цуглах боломж олгосонд талархал илэрхийлэн, сайн сайхны төлөө мөргөх агаад баярын гол утга учир болсон (月餅-moon cakes-саран боов гэсэн утгатай) еэвэнгүйгээр энэхүү баярыг төсөөлөх аргагүй тул манайхан еэвэн сарын баяр ч гэж нэрлэх нь бий.

Ямартай ч дэлгүүрүүдээр еэвэн дүүрэн өрөөстэй байх агаад компаниуд харилцагчиддаа талархал болгож еэвэн өгдөг. Хятадууд еэвэнг бөөрөнхий хэлбэртэй хийхээс гадна сарны 4 үе шатыг дүрсэлж 4 өндөгний шар, чихэрлэг буурцагаар хийдэг.

Намрын дунд сарын баяр болох бүрт Хятад, Хонгконг, Сингапур болон Тайваний хэвлэлүүдээр Монголчуудтай холбоотой нэгэн домгийг байнга сөхдөг.

Тэрхүү домогт_өгүүлснээр, монголчууд Хятадад төр барьж байх үе буюу Юань гүрний үед хань (нанхиад) үндэстнүүд тэсэшгүй бэрх зовлон амсаж байсны илрэл нь хамгийн доод 4-р зэрэгт хань үндэстнүүд (хар хятад хэмээн) багтах бөгөөд журам зөрчвөл маш хатуу шийтгэл ногдуулдаг байснаас гадна хань үндэстнүүд зэвсэг эзэмших эрхгүй, гэр ахуйн зориулалттай хутгыг ч 5 айлын дунд 1-ийг өгдөг, хань хүүхэд албан ёсны нэргүй байхаас гадна, 20 хятад айл 1 Монгол айлд үйлчлэх ёстой бөгөөд биелүүлээгүй хэний ч толгойг авдаг байсан гэх. (хороо хорин гэдгийн хорин гэж хэвшмэл хэлэгдэх нь үүнтэй холбогддог) Монголчуудын эсрэг байнга бослого гаргаж байсан авч дарагдаж байсны шалтгаан нь Монголчуудын хяналт хатуу байсан гэх агаад ийм бэрх цагт Монголчуудын ноёрхлыг эцэс болгох нэг арга нь 8-дахь сарын 15-ны шөнө "бослого гарган Татарууд (тэр үед Монголчуудыг тийн нэрлэдэг байжээ)-ыг даръя" хэмээсэн бичгийг еэвэн дотор хийж тарааж бослого гарган Юань гүрнийг түлхэн унагааж, Хань үндэстнүүд (Хятадын хэвлэлүүдэд Хань, Монгол үндэстэн гэж бичдэг бол Хонконг гэх мэтийн газруудад харийн Монголчууд гэж бичдэг) Мин гүрнийг байгуулсан хэмээн хүүхэд багачууддаа үлгэр домог болгон ярьж суудаг ажээ.

Хятад хэлтэн орнуудын албан ёсны хэвлэл мэдээллийн хэрэгслээр дурддаггүй ч гэлээ сурах бичигт нь багтаж, Хятад ардын шилдэг үлгэрийн дээжид хүртэл багтсанаас гадна баримтат кино хүртэл байдаг юм билээ. Мэдээж Хятад хүүхэд бүр энэ үлгэрийг мэдэхгүй ч нилээд хэсгийнх нь ой тоонд үлдэж Монголчуудад хүйтэн хандах шалтгаан болж байдгыг ч үгүйсгэх аргагүй. Ямартай ч Юань гүрний үеэс намрын дунд сарын баяраар еэвэн иддэг болсон гэх.Төр нь цалгардаж, төрлийн алба хавтгайрч, авлига, эв нэгдэлгүй байдал нь Юань гүрний мөхлийн шалтгаан байсан бөгөөд ямартай ч Хонконгийн нэгэн сайтад Монголчууд тулааны урлагт гаршсан байсан боловч төр удирдах чадваргүй гэж дүгнэсэн байдаг бөгөөд хүүхэд багачууддаа еэвэнгийн ухаанаар монголчуудыг дарсан түүхээ дамжуулан өөрсдийн мэргэн цэцэнээрээ бахархдаг нь бидэнд нэг сануулна. Өдгөө уг баярыг Хятад хэлтэн орнууд өөр өөрийн онцлогтойгоор тэмдэглэдэг. Тухайлбал, Тайваньд намрын дунд сарын баярын үеэр еэвэн идэхээс гадна гэр бүл, хамаатан садан, анги хамт олон найз нөхдөөрөө цуглан шарсан мах иддэг онцлогтой. Харин Хонгконг-д 1 л өдөр амрах бөгөөд олон улсын уран зургийн үзэсгэлэн, луун бүжиг, багт наадам зохион байгуулдаг.

Иймд Монгол түмэн минь, зон олон Монголчууд минь жилд ганцхан удаа тохоон тэмдэглэдэг билгийн тооллын цагаан сарын баяраараа идээний дээд оргилд еэвэн тавихгүй байх нь зүйд нийцэх зохистой бус уу.!!!

Монгол улсын Ерөнхийлөгчөөр 2017 онд сонгогдсон Халтмаагийн Баттулга, шинэ Ерөнхийлөгчийн тамгын газар, зөвлөхүүдээс Төр-Засгийн ёслолын албанд санал хүсэлт хүргүүлж, жил бүрийн XII сарын 29-нд Монгол тамгын хөшөөнд хүндэтгэл үзүүлдэг байсан уламжлалыг энэ онд түр үл үйлдэж, ёслолыг эс хийж 2017.12.29-нд Их эзэн Чингэс хааны хөшөөнд хүндэтгэл, ёслол үйлдсэн билээ.

Нирун Монгол овогт Б.Х☆МоАХ/Хиkи

Сэтгэгдэл 7ЭнгийнХэвтээБосооСэтгэгдэл бичих-Aa+
8 сар 17. 19:05
Зочин

Тэгээд тэр мундагууд нь одоо хаана байнаа. Тэр манж чин улс хаа ч байхгүй. санаа муу бол заяа муу гэж, хорлол хийдэг юмнууд өөрсдөө л устаж үгүй болдог. Монголчууд мууг сайн болгоод хувиргаж байсан биз

9 сар 1. 3:05
Зочин

Elbegdorj jins otgotoi malgai umsuud, Mi Enhbold huurugtei humuustei zolgood ulam deeshleed l suudlaa tavihgui bh yum...

8 сар 19. 8:59
Зочин

Монголын Юань гүрний дараа хятадад Минь улс байгуулагдаж, энэ улсыг Манж нар устгаж, Манжийн Чинь улсыг байгуулсан

8 сар 4. 14:47
Зочин

Хужаа нар Монголчуудад алуулж талуулж байсан нь үнэн.
Дарлуулж байсан нь үнэн.
Монголчууд мэдэмхий цариалдаг ийм нөхдийг алчихдаг байсан юм ха ха

8 сар 4. 14:43
Зочин

Тэр үед нь хамт байсан юм шиг шаах юм.
Тэгвэл машин тэрэгээ болиод,соёл иргэншлээс татгалзаад 13-р зууных шигээ амьдарвал яасан юм.

8 сар 14. 20:13
Зочин

Түүх үнэнээрээ сайхан еэвэнгээс татгалцгааяа.Монгол уламжлалаа дагаж Өвөг дээдсээ хүндэлбэл аминд өлзийтэй бусуу.Монгол Улс Мөнхөд Мандан Бадрах Болтугай

8 сар 14. 21:22
Зочин

yg zov zaluuchuud uuniig nshij medeh heregtei bidnii ertenii tenger es zanshil yzguur undes maani bidniii oodloh gerel shuudee Mongol hun Mongol hun shig l bih estoi

Сэтгэгдэл бичих
Санамсаргүй нийтлэл [ Энд дарна уу ]