Ангилал

Сайтын талаар ярилцъя Уншигчдын санал бодол

Хорвоогийн элдэв сонин хачин, танин мэдэхүйн нийтлэлүүдийг тоон дарааллын сонирхолтой хэлбэрт оруулж уншигч танд хүргэж байна. Таалан сонирхоно уу!

Өмнөд Солонгосын топ 10 бизнесмэнУншсан2,986

Энд алдарт LG, SK, Nexon зэрэг группүүдийн эзэд багтаагүй байгаа нь тэднийг ямар хүчтэй, амжилттай бизнесмэнүүдтэй болохыг илтгэнэ.

Хорвоо ертөнцийн сонин хачин зүйлс, алдартнуудын цадиг, түүхийн элдэв үйл явдлуудыг товчоолон хүргэдэг "Тоон дараалал" булангийнхаа энэ удаагийн дугаарт эдийн засгийн чадавхиараа Азидаа төдийгүй дэлхийд тэргүүлэгч орны нэг болсон Өмнөд Солонгосын топ 10 тэрбумтныг Форбесын  жагсаалтыг үндэслэн нийтлэж байна. Энд алдарт LG, SK, Nexon зэрэг группүүдийн эзэд багтаагүй байгаа нь тэднийг ямар хүчтэй, амжилттай бизнесмэнүүдтэй болохыг илтгэнэ.

10. Ли Жай Хюн- 1.7 тэрбум ам.доллар

 

Өмнөд Солонгосын хамгийн баян 10 иргэний жагсаалтад 1.7 тэрбум ам.долларын хөрөнгөтэйгөөр бичигддэг Ли Жай Хюн нь CJ группын эзэн бөгөөд өдгөө 53 настай юм. Түүний өвөг эцэг нь Самсунг группыг үндэслэгчдийн нэг бөгөөд CJ групп 1953 онд охин компани болон байгуулагдаж 1990 онд Самсунгаас өрх тусгаарлаж байжээ. Ли Жай Хюн өв залгамжлан CJ группыг хүлээн авсан ба одоо энэ группыг дэлхий дахинд Солонгосын шоу бизнес, кино ертөнцийн магнат гэдгээр нь сайн мэддэг. Үүнээс гадна хүнс, эмийн үйлдвэрлэл, тээвэр зууч зэрэг олон салбарт үйл ажиллагаагаа явуулдаг Солонгосын нэрийн хуудас болсон томоохон групп юм.

 

 

  1. Ли Хва Кюн – 1.8 тэрбум ам.доллар

Монголчуудын төдийгүй дэлхий нийтийн сайн мэдэх Choco pie шоколадтай жигнэмэгийг үйлдвэрлэгч Orion группын ерөнхийлөгч. Тэрээр 59 настай ба Донгьян группын үүсгэн байгуулагчийн хоёр дахь охин юм. Орион группын гол зах зээл Хятад ба Орос, АНУ бөгөөд 2010 оноос шоу бизнес, соёл урлагийн салбарт хүч түрэн орж ирээд байна.

  1. Шин Донг Жү – 1.9 тэрбум ам.доллар

Тэрээр Солонгосын өөр нэг тэрбумтан Шин Донг Биний ах бөгөөд солонгост мэндэлсэн япон үндэстэн болох Шин Кюк Хо буюу Такэо Шигемицугийн үүсгэн байгуулсан Lotte группыг амжилттайгаар удирдаж байгаа юм. Өдгөөг хүртэл амьд сэрүүн байгаа Шигемицу хоёр хүүдээ хөрөнгөө тэнцүү хувааж өгсөн гэдэг. Lotte групп нь жижиглэнгийн худалдаа, электрон барааны үйлдвэрлэл худалдаа, соёл урлаг шоу бизнес, санхүү үл хөдлөх, хүнсний үйлдвэрлэл зэрэг олон салбарт амжилттай үйл ажиллагаагаа явуулдаг юм.

  1. Шин Чан Жей – 1.9 тэрбум ам.доллар

Мөн л өөрийн эцгийнхээ компанийг өвлөн авч бизнесийг нь амжилттай үргэлжлүүлсээр өдгөө Солонгосын топ 10 баяны нэгд бичигдэж байгаа. Тэрээр өдгөө 60 настай бөгөөд Kyobo Life Insurance хэмээх Солонгосын даатгалын монополь компанийн эзэн юм.

  1. Сү Кюн Бэ – 1.9 тэрбум ам.доллар

Өмнөд Солонгосын тэргүүлэх гоо сайхны барааны компани болох Amore Pacific-ийн эзэн. Гэр бүлийнхээ үүсгэн байгуулсан компанийг мөн өвлөн авсан ба дэлхийн топ 20 гоо сайхны бараа үйлдвэрлэгч болтлоо амжилттай ажиллаж яваа юм. Дэлхийд нэрд гарсан 30 орчим гоо сайхны брэндийг үйлдвэрлэдэг энэ компани химийн асар том үйлдвэрүүдтэй ба Хятад, Вьетнам, Филиппин, Тайландад салбар үйлдвэрүүдтэй аж.

  1. Шин Донг Бин -2 тэрбум ам.доллар

Дээр дурдсан Солонгост төрсөн япон бизнесмений бага хүү бөгөөд тэрбумтан Шин Донг Жүгийн дүү юм. Lotte группын өөр нэг эзэн гэсэн үг. Түүний хөрөнгө 2 тэрбум ам.доллараар хэмжигддэг бөгөөд ахынхаа хөрөнгөнөөс 100 орчим сая ам.доллараар их.

  1. Чун Иу Сун – 4 тэрбум ам.доллар

Солонгосын топ 10 баяны жагсаалтын эхний дөрөвт дэлхий дахинаа томоохонд тооцогдох Samsung, Hyundai компаниудын эзэд болох аав хүү нар бичигддэг юм. Солонгосын алдарт Hyundai корпорацийн эзэн Чун Мон Күгийн хүү болох Чун Иу Сун нь өдгөө 43 настай. Аварга том Hyundai корпораци түүний уирдлага дор автомашин үйлдвэрлэлийн салбарт Солонгостоо хоёрдугаарт бичигддэг Kia Motors-ыг залгиж охин компаниа болгон улмаар өдгөө Азидаа хоёрдугаарт, дэлхийд Toyota, General Motors,Volkswagen-ы дараа дөрөвдүгээр байрт бичигддэг болжээ.Түүний хөрөнгө 4 тэрбум ам.доллар.

  1. Жэй Ли – 4.9 тэрбум ам.доллар

Samsung-ийн эзний хүү Жэй Ли Солонгосын баячуудын гуравдугаарт бичигддэг. 4.9 тэрбум ам.долларын хөрөнгөтэй тэрээр өдгөө 45 настай. 1938 онд анх байгуулагдсан Samsung өдгөө манай дэлхийн хамгийн том мэдээллийн технологийн үйлдвэрлэгч болоод байна. Жей Ли сүүлийн жилүүдэд Samsung-ийн гол үйл ажиллагааг гардан удирдаж байгаа.

2.Чун Мон Кү – 7.1 тэрбум ам.доллар

Hyundai корпорацийн ерөнхийлөгч одоо 76 настай. 1977 оноос хойш Hyundai түүний удирдлага дор үйл ажиллагаа явуулсаар ирсэн бөгөөд Өмнөд Солонгосын нийгэм, улстөрд маш их нэр нөлөө бүхий бизнесмэн юм. Хьюндай компани нь автомашины салбараас гадна электроник, робот, ган төмөр, хөлөг онгоцны үйлдвэр зэрэг олон салбарт үйл ажиллагаагаа явуулдаг.

  1. Ли Кун Хи

Samsung-ийн ерөнхийлөгч тэрээр энэ жил нас сүүдэр 72 хүрч байна. Samsung нь сансар судлал, хөлөг онгоцны үйлдвэрлэл, электрон худалдаа, мэдээллийн технологиос өгсүүлээд маш олон салбарт үйл ажиллагаагаа өргөжин тэлсээр байдаг хүчирхэг компани бөгөөд Өмнөд Солонгосын дотоодын нийт бүтээгдэхүүний 20 хувийг бүтээдэг гээд бодохоор ойлгомжтой бизээ.

Н.УНДАР

Сэтгэгдэл 0ЭнгийнХэвтээБосооСэтгэгдэл бичих-Aa+
Санамсаргүй нийтлэл [ Энд дарна уу ]