Ангилал

Сайтын талаар ярилцъя Уншигчдын санал бодол

WWII: Оросыг тойрсон дайн (фото нийтлэл №5)Уншсан8,651

Фашист Герман ЗХУ руу итгэл эвдэн довтлохын өмнөх жилд дэлхийн хаа сайгүй түгшүүртэй, дайн байлдаан өрнөсөөр байлаа.

Фашист Герман ЗХУ руу итгэл эвдэн довтлохын өмнөх жилд дэлхийн хаа сайгүй түгшүүртэй, дайн байлдаан өрнөсөөр байлаа. Муссолини Хойд Африкт халдан довтолж, Грек, Албани төдийгүй Газар дундын тэнгисийг бүхэлд нь хяналтдаа авахаар санаархаж, Японы эзэнт гүрэн Хятадыг эзлэн өрнөдийн орнуудын баялгийн үүц болсон Энэтхэг, Хятадын хойг руу заналхийлж эхэллээ.

 

Австрали ба АНУ үүний хариуд Япон руу гаргах төмрийн экспортод хориг тавив. 1940 оны 9 сарын 27-нд Герман, Итали, Япон гурван улс цэргийн эвсэл байгуулах гэрээнд гарын үсэг зурлаа.

Япончууд Хятадын умардад 1100 км, Янцы мөрний хөндийд 650 км цөмөрчихсөн, хятадууд тэнгисийн болон агаарын цэргийн флотоо бүхэлд нь, их буу, танкийнхаа тэн хагасыг алдчихаад сүйрлийн ирмэгт тулаад байв.

Зөвлөлт Орос улсаас Хятадын талд энэ үед сургагч офицеруудаа явуулж байв.

Тэдний дунд Аугаа эх орны дайны дундуур армитайгаа хамт Германы талд бууж өгч Зөвлөлтийн эсрэг тулалдсан генерал Власов байсан юм.

Тэр үеийн орос цэргийн зөвлөхүүд бүгд нууц нэрээр ажилладаг байсан бөгөөд генерал Власов ч хурандаа цолтой Волков нэртэй явсан байна.

Хурандаагийн үйл ажиллагааг Чан Кайши өндөр үнэлдэг байлаа. 1939 оны эцсээр хятадууд Японы эсрэг дайнд ямар ч найдлагагүй болсноор Власовыг нутаг буцахад нь Чан Кайши түүнд талархал илэрхийлж өгсөн Алтан луугийн одон, алтан цаг зэргийг бэлэглэж байв.

1940 оны долдугаар сарын 11. Япон Хятадын дайнд бутниргэгдэж эзлэгдэж байгаа Хятадын армийн цэргийн жагсаал. Герман цэргийн дуулгыг хуулбарласан загвар бүхий дуулгатай Хятадын цэргүүд Японы орчин үеийн зэвсэглэл бүхий армид онцын эсэргүүцэл үзүүлж чадалгүй хэдэн саяараа алагдаж, олзлогдсон байдаг.

Гитлерийн дэмжлэгийг хүлээж армиа хүчирхэгжүүлсэн Муссолини Хойд Африкт халдан довтоллоо. Бүр 1925 оны 6 сард фашист намын хурал дээр Италийн эзэнт улс байгуулахаар төлөвлөж байгааг Муссолини олны өмнө мэдэгдэж байв. Ингээд Муссолини өөрийн эзэмшил Ливийн зүгээс Египет рүү англичуудын цэргийн хүчин рүү довтоллоо. Зураг дээр бүслэлтэд орсон британийн буучийн дивизийн цэргүүд.

Египет дэх Английн нисэх хүчний онгоц

Английн байлдааны хөлөг онгоц Газар дундын тэнгист Италийн хөлөг онгоцуудтай тулалдаж байлаа. Газар дундад тэнгисийг “Итали нуур” болгож Балканы хойгийн орнуудыг фашист Италийн нөлөөний хүрээнд оруулахыг тус улсын бодлогын албан ёсны програм гэж Муссолини зарласан байв.

Ливийн Тобрук хотын төлөөх тулааны үеэр агаараас авсан гэрэл зураг

Гэхдээ Муссолини дангаараа Британийн цэргийг дийлэхгүй байлаа. Италийн дивизүүд ширүүн тулааны дараа бутцохигдож Ливид хөөгдөн орж ирэв. Байлдааны арга тактик, байлдах ур чадвараар англичууд илүү гэдгээ баталж чадсан юм. Италийн 40 мянга орчим олзлогдсон цэргийг Ливийн Бардиа хэмээх тэнгисийн боомт руу тууж явна. Тэдний дунд Муссолинигийн дөрвөн генерал байлаа. Муссолини Гитлерийг Африкт цэргээ илгээх ёстой хэмээн ятгаж байв. Энэ нь ч хожим биеллээ олсон юм.

Их Британийн харьяат улс болох Австралийн цэргийн хүчин дэлхийн 2-р дайнд Английн армитай хамтаар Европт тулалдаж, Ази Номхон далайд америкчуудад дэмжлэг үзүүлж япончуудын эсрэг байлдаж байлаа.

Британи цэрэг онгоцны бөмбөгүүдийн цэнэгийг шалгаж байна

Английн онгоцууд Ливийн тэнгэрт Италийн онгоцуудтай агаарт тулалдаж байна

Тобрукийн боомтод байсан Италийн хөлөг онгоцыг британичууд довтлон сүйрүүлэх үеийн гэрэл зураг

Ливийн цөлд ч тулаан үргэлжилж италичууд бутцохиулж байв. Германы асар их хүчний дэмжлэг Муссолинид ус агаар мэт хэрэгтэй байлаа.

Арлаа хамгаалан Английн нисэх хүчин, тэнгисийн цэрэг Германчуудтай ширүүн тулаан хийхийн зэрэгцээ Хойд Африкт зэвсэг хэрэгсэл буулгасаар байлаа.

Африкийн Этиоп улсын хаан Хайле Силасси. Тэрээр Италид эзлэгдсэн Этиопийг английн цэргүүд чөлөөлсөний дараа дахин хаан ширээндээ сууж цэрэг дайчлын Британийн холбоотон болсон юм.

Энэтхэг цэргүүдээр хүч нэмэгдүүлсэн Шотландын явган цэргийн хороод Египетийн пирамидын дэргэдүүр фронтыг зүглэн явж байна.

Египетэд Итали бутцохигдож Ливийг алдаж эхэлснээр Хойд Африк дахь нөлөөллөө алдахаас болгоомжилсон Гитлер фельдмаршал Эрвин Роммелоо Африкт илгээлээ. 1941 оны хоёрдугаар сарын 12-нд сүүлд "Цөлийн үнэг" хочтой болсон фельдмаршал Роммелийн цэргүүд Африкт хөл тавив. Хоёр сарын дараа тэрээр Ливид холбоотны цэргийг бутцохиж ухраана.

Германы орчин үеийн Panzer IV танк. Европт гялалзсан ялалтуудыг дараалан байгуулж, олон улсыг эзэлсэн туршлагатай нацистын арми эхэн үедээ Хойд Африкт амжилттай тулалдаж байв.

Герман, Япон, Итали улсууд нэг эвсэл болсныг тэмдэглэж байна.

1940 он. Японы бөмбөгдөгч онгоцууд Хятадын томоохон хотууд, аж үйлдвэрүүдийн төвүүдийг балгас болгож байлаа.

Агаарын довтолгооноос эсэргүүцэн хамгаалах буугаар тоноглогдсон дуу авиан локатор. Энэ төхөөрөмжөөр агаарт Японы онгоцууд ирж байгаа эсэхийг хятадууд мэддэг байв. Гэвч Япон улс орчин үеийн онгоцуудаар армиа бүрэн тоноглож иймэрхүү бүдүүлэг багажинд төдийлөн баригдаад байхааргүй болсон байв.

Хятадад ноёрхож Зүүн өмнөд Азийн орнуудын стратегийн түүхий эдийн арвин баялаг нөөцийг эзэгнэн авахын төлөө тэмцлийн явцад Япон АНУ-ын харилцаа эрс хурцдаж эхэллээ. Хятадын зах зээл дээр АНУ бүрэн хаагдмал байдалтай болов.

Японы танкууд Хятадад.

Японы Иокохамагийн эргээс эзэнт гүрний тэнгисийн цэргийн флот Филиппинийг зорин хөдөллөө.

1939-1942 оны хооронд Японы онгоцууд 3000 тонн бөмбөгийг хятадын нутаг дэвсгэрт хаясан хэмээх аймшигтай тоо бий. Хятадын сая сая иргэд Японы эзэн хааны армид устгагдаж байлаа.

Энэ үед Европт Италийн цэргүүд Грекийг эзлэн авав. 1940 оны аравдугаар сарын 28-нд Муссолини Грекийг эзлэх тушаал гаргасан юм. Грекийн бараг ихэнх газар нутаг эзлэгдсэн боловч тулааны байдалд эргэлт гарч Грекийн цэргүүд Италийн 9-р армийг бутцохин улмаар британичууд десант буулгаснаар 1941 оны гуравдугаар сар гэхэд Италийн арми бүрэн ялагдаж Албани руу зугатлаа.

Гэвч Грект тайван байдал удаан үргэлжилсэнгүй. Сарын дараа буюу 1941 оны зургадугаар сарын 06-нд нацист Герман Грек болон Югославт халдлаа. Грекийн арми 400 гаруй мянган цэрэгтэй болж хүчээ сэлбэж амжсан ч Германы эсрэг олигтой тулалдаж чадсангүй тэн хагас нь алагдаж үлдсэн нь бууж өгсөн юм.

Германы арми Югославыг ч мөн бүрэн эзлэв.

Францаас британи иргэд болон цэргүүдийг тээвэрлэн Англи руу явж байсан Ланкастр хэмээх аварга том хөлөг онгоцыг Германы Юнкерс бөмбөгдөгч онгоцууд сөнөөлөө. Онгоцон дээр явсан 9000 орчим хүмүүсээс 2477-г нь л аварчээ.

Германы агаараас эсэргүүцэн хамгаалах артиллерийн анги

Энэ гэрэл зургийг 1941 оны нэгдүгээр сарын 31-нд авчээ. Английн хатан хааны хүчин Германы бөмбөгдөгчдөөс Лондонг хамгаалж байна. Гитлер 1940 оны есдүгээр сард Английг эзлэх "Далайн арслан" хэмээх нууц төлөвлөгөө боловсруулсан хэдий ч арлыг хамгаалагчдын шаргуу эсэргүүцлийн улмаас дараа сард нь 1941 оны хавар хүртэл төлөвлөгөөгөө хойшлуулсан билээ. Хавартаа ч Британийн арлыг эзлэх төлөвлөгөөгөө Гитлер ажил хэрэг болгосонгүй. Түүний анхаарал дорно зүгт Орос руу чиглэж байлаа. Тэр зун нь ЗХУ-д довтлохоор бэлдэж эхлэв.

Англи, Канад цэргүүд

1940 оны наймдугаар сар, Филадельфийн эрэг, АНУ. Энэ үед далайн чанад дахь АНУ дайнд бэлтгэсээр байлаа.

Палестин. Британичууд эзэмшил нутгуудаасаа их хэмжээний цэрэг татлага өрнүүлж фронтод илгээсээр л байв. Өмнөд Азийнхан, энэтхэгүүд, арабчууд, австрали, Шинэ Зеландын цэргүүд тэдний дунд байлаа.

Сэтгэгдэл 7ЭнгийнХэвтээБосооСэтгэгдэл бичих-Aa+
2016, 9 сар 2. 20:44
Зочин

yag unen

2016, 6 сар 18. 19:42
dainch

orosiin esreg barag anglias busad buh evrop bsan bhdaa

2016, 6 сар 18. 19:41
dainch

germanuud dangaaraa barahgui bsan shdee ezelsen ulsiinhaa tsergiin hucheer l ybj bsan bhdaa

2016, 5 сар 6. 14:35
Лапша

Гитлер яагаад Орос руу хийх дайнаа 6,22нд эхлүүлхээр болсон юм бол,магадгүй энэ нь түүний энэ дайнд ялагдах гол шалтгааны нэг ч юмуу.Зөвлөлттөй хийсэн дайнд Германы армийн 2 дахь том дайсан нь Оросын өвөл байсан,мөн Гитлерчүүд хэтэрхий олон фронт дээр олон улс орны эсрэг зэрэг дайтаж бсан нь хүчний хувьд Оросод давуу байдал үүсгэсэн гэж би боддог,энэ миний л бодол шүү

1 сар 28. 23:27
Одко

Германы эртний нарны баяр 6 сарын 22нд. Гитлер хажууд нь битүү мухар сүсэгтэй байсан. Дайныг 3 сарын дотор хийнэ гэсэн төлөвлөгөөтэй байсан учраас өвлийг тооцоолоогүй юм шиг байганн. Дэндүү бардам ч гэхйимуу. Бас хажууд нь муссолини. Грек, Африк руу дэндүү яарсан дайн хйиж гитлер түүнд нь яалтачгүй хүч хаясан. Грект партизаны дайнд яваад орцон, африкт ялахын тулд дорнодын тулаан саад болцон. Шууд хэлэхийн бол өрнөдтэй нийлээд 3 фронттой болчихсон байхгүй юу. Хүч хуваарилах сэтгэхүй жоохон сул байсан юм шиг байгаан.

2016, 12 сар 24. 12:30
KkkЗочин

6.22 yet udur bogino shunu

5 сар 9. 16:05
Зочин sss

3-р сарын 22 байсан югаславийн партизанууд 2-3 сар барьсан югаславуудад баярлаж яв гэдэг үг байдаг

Сэтгэгдэл бичих
Санамсаргүй нийтлэл [ Энд дарна уу ]