Ангилал

Сайтын талаар ярилцъя Уншигчдын санал бодол

Сонирхолтой: Цаас, ус, будаагаар мэргэлэх аргуудУншсан1,477

Хэдийгээр мэргэ төлөгт зуун хувь амьдралаа даатган, шийдвэр гаргахдаа хэрэглэхгүй ч заримдаа эргэлзэж тээнэгэлзэн яах учраа олохгүй үедээ хүмүүс олон төрлийн мэргээр мэргэлдэг

Хэдийгээр мэргэ төлөгт зуун хувь амьдралаа даатган, шийдвэр гаргахдаа хэрэглэхгүй ч заримдаа эргэлзэж тээнэгэлзэн яах учраа олохгүй үедээ хүмүүс олон төрлийн мэргээр мэргэлдэг. Уншигч та бүхэндээ төдийлэн олон хүмүүс мэдээд байдаггүй, сонирхолтой мэргүүдийг хүргэж байна.

 

Цаасаар мэргэлэх

Цаасан дээр асуулт бичээд, тавган дээр хумхиж тавиад, дөрвөн талаас нь шатаа. Цаас шатаж дуусах үед шатсан цаасандаа огт гар хүрч болохгүй. Дараа нь харанхуй өрөөнд лаа асаан, тавгаа аажмаар эргүүл. Ханан дээр тусах шатсан цаасныхаа сүүдрийг сайн ажигла. Тэнд хариулт бий.

Усаар мэргэлэх

Түмпэнд ус хийж, захаар нь хүслээ бичсэн цааснуудаа тавина. Гол хэсэгт жижиг дугуй лааг усанд ховох саванд хийн, асааж тавина. Савхаар усаа гурав эргүүлээд лааг хаа нэг газар хөвж очин зогсохыг хүлээ. Лааны хамгийн ойр очсон хүсэл биелнэ. Энэ мэргийг үерхэж найзлах хүнээ сонгохдоо ч ашиглаж болно.

Бөгж, талх, дэгээгээр мэргэлэх

Энэ мэргийг гэрлэх насны бүсгүйчүүд сонгодог. Шалан дээр бөгж, талхны өөдөс, дэгээ тавьж, алчуураар хучна. Ээлжлэн алчуур доороос авч хэнд ямар зүйл оногдохыг харна. Хэрэв бөгж авбал ганган залуутай, талх бол баян хүнтэй учирна. Харин дэгээ таарвал сайн залуутай учирлаа ч элбэг, хангалуун амьдрахгүй.

Будаагаар мэргэлэх

Багахан будаа авч аяганд хийнэ. Аягатай будааг баруун гараараа таглаж, “Хувь заяа минь, надад сайн зүйл ирэх үү, эсвэл муу зүйл учрах уу” гэж асууна. Дараа нь будаагаа ширээн дээр асгаж тоолно. Хэрэв тэгш тоотой бол хүсэл чинь биелнэ. Харин сондгой тоотой бол тааламжгүй хариу өгч байна гэсэн үг.

Шошоор мэргэлэх

41 шош аваад, тоололгүйгээр гурван хэсэг хуваа. Дараа нь хэсэг бүрт хэчнээн шош байгааг тоолоорой.

Эхний хэсэг: Хэрэв шошны тоо тэгш бус бол өвчин, таагүй зүйлийг илэрхийлдэг. Дотнын хүнтэйгээ зөрчилдөж, гомдоно. Тэгш тоотой бол элбэг хангалуун амьдрал, хайр дурлал бүтэмжтэй байна.

Хоёрдугаар хэсэг: Ажил алба, сургуулийг илэрхийлнэ. Шош тэгш бус тоотой бол таагүй зүйл, бэрхшээл саад гэсэн үг. Ажлаа өөрчилж эсвэл ямар нэг үйл ажиллагаагаа зогсоож магад. Шош тэгш тоотой бол сэтгэл зовох хэрэггүй, бүх зүйл сайн. Тиймээс хэтийн төлөвлөгөөгөө зохио.

Гуравдугаар хэсэг: Гэр бүл, орон байр. Шош тэгш тоотой бол гэр бүл амар амгалан, хэрүүл, маргаангүй. Харин ч эерэг өөрчлөлт ирнэ. Тоо тэгш бус байвал хагацал, салалт, сөрөг зүйлтэй учирна. 

Ирээдүйгээ мэргэлэх

Малгай (хүзүүний ороолт, алчуур) талхны өөдөс, модны хэлтэрхий бэлдэнэ. Энэ гурвыг цэвэр саванд хийхдээ “Ирэх жил юу болох вэ” хэмээн асууна. Дараа нь нүдээ боож, саванд дөхөж очоод, гарт хамгийн түрүүнд тааралдсаныг гаргаж ирнэ.  Хэрэв малгай бол гэрлэнэ. Хувийн амьдралд чинь эерэг өөрчлөлт гарна. Харин талх бол ирэх жил сайхан өнгөрч, албан тушаал ахиж, амжилт дагуулан, сэтгэл хангалуун амьдарна. Мод бол ирэх жилд онц гойд юм юу ч болохгүй. Гэхдээ сэтгэлээр бүү уна. Дахиад шинэ он ирнэ шүү дээ.

Сэтгэгдэл 0ЭнгийнХэвтээБосооСэтгэгдэл бичих-Aa+
Санамсаргүй нийтлэл [ Энд дарна уу ]