Ангилал

Сайтын талаар ярилцъя Уншигчдын санал бодол

Исламын улс бүлэглэл цөмийн зэвсэг эзэмшихээр санаархаж байнаУншсан1,655

Ирак, Сирийн нутгийн ихэнх хэсгийг эзэлж, хяналт тогтоогоод байгаа “Исламын улс” зэвсэгт бүлэглэл цөмийн зэвсэгтэй болно хэмээн мэдэгдсэн тухай барууны хэвлэлүүд онцолж байна.

Исламын улс бүлэглэл өнгөрсөн хоёр жилд ихээхэн хүчирхэгжиж Ирак, Сирийн нутгийн ихэнх хэсгийг эзэлж, хяналт тогтоогоод байсан. Тэгвэл сүүлийн үед буюу 2016 он гарсаар энэхүү олон улсад алан хядах зэвсэгт бүлэглэл хэмээн хүлээн зөвшөөрөгдсөн байгууллага нь Сирид төдийгүй, Иракт хумигдаж шахагдсаар байна. Мэдээж Сирид шахагдах гол шалтгаан нь ОХУ Башар Ассадын Засгийн газрыг хүчтэй дэмжиж, цэрэг зэвсэг, эд материалын туслалцаа үзүүлэхийн зэрэгцээ террористуудад одоог хүртэл агаарын цохилт өгсөөр байгаад оршино. Мөн Турк улс ч сүүлийн үед нутаг дэвсгэрт нь үйлдэгдсэн алан хядах ажиллагааны улмаас Исламын улс бүлэглэлийг хүчтэй түрэн хөөж, цохиж байгаа.

Мэдээж Туркийн энэ үйлдэлд курдуудын эсрэг бодлого нь нөлөөлж байгаа ч Исламын улс бүлэглэлийн Сирид эзэлсэн байр сууринд хүчтэй нөлөө үзүүлсээр байгаа. Тэгвэл Иракт Мосул хотыг алан хядагчдаас чөлөөлөх давшилтын бэлтгэл ажиллагаа хийгдээд эхэлсэн. АНУ-аас Иракийн Засгийн газар Мосулыг чөлөөлөх тулалдаанд дэмжлэг үзүүлээч хэмээн хүсэлтээ тавьчихаад байгаа. Ер нь ч энэ оны эцэс гэхэд Мосулыг Иракийн засгийн газрын цэргүүд чөлөөлчих магадлал өндөр байна. Ингээд ирвэл Исламын улс бүлэглэл Сири, Иракийн аль алинд хумигдаж шахагдан орон нутгийн партизаны дайны хэмжээнд л үйл ажиллагаа явуулах, эсхүл өөр улс руу идэвхтэй үйл ажиллагаагаа шилжүүлэх гэсэн сонголттой болно.

 

Алан хядагч бүлэглэлийн удирдагчид өөрсдийн гаргадаг “Dabiq” сэтгүүлд “Бодит цохилт” нэртэй өгүүлэл нийтэлсэн тухай Der Spiegel-д дурдсан байна. Тэнд дурдсанаар бол Исламын улс бүлэглэл тун удахгүй цөмийн зэвсэг гартаа оруулахаар итгэлд найдвар тавьж байгааг ажигласан тухай уншиж болно. Шинжээчид тэрхүү өгүүллээс ийм байр суурь гаргаж тавьсан байгаа юм. Нийтлэлд дүн шинжилгээ хийсэн тойм мэдээлэлд дурдсанаар “Исламын улс бүлэглэлийн банкны дансанд тэрбумаар тоологдох доллар бий гэдэг нь үнэн. Барьцаалалт, алан хядлага, зэвсгийн наймаа, боолын наймаанаас олсон мөнгөө тэд хадгалж байгаа. Энэ мөнгийг юуны төлөө цуглуулж байгаа гэж бодож байна. Исламын улс бүлэглэлийн удирдагч нарын баян тансаг амьдралын төлөө гэж үү. Үгүй юм. Тэд зөвхөн өөрсдийн хэрэгцээгээ хангахын тулд энэ мөнгийг цуглуулахгүй, ямар нэгэн алсын зорилгын төлөө хурааж байгаа нь лавтай. Тэгэхээр энэ мөнгийг Исламын улс бүлэглэл цөмийн зэвсэгтэй болох зорилготойгоор цуглуулж байж магадгүй" хэмээн бичжээ.

Учир нь цөмийн зэвсгийг эзэмшсэн исламын шашинт орон манай гаригт бий. Тэр бол Пакистан. Иран улс ч цөмийн энергийн тал дээр асар их туршлага бүрдүүлж оросуудын тусламжтайгаар атомын цахилгаан станц барихаар санаархаж байгаа. Олон улсын яриа хэлэлцээр л саатуулж байгаагаас персүүдийн гарт хэзээ хэзээгүй цөмийн зэвсэг орох нь тодорхой.

Тэгвэл энэ хоёр эх сурвалжаас цөмийн цэнэгт хошуу худалдан авах боломж Исламын улс бүлэглэлд байгаа болов уу. Байлаа гэхэд АНУ тэргүүтэй гүрнүүд сүйрлээ дуудах гээгүй л бол ийм боломж олгохгүйн төлөө бүх хүчин чадлаа дайчлах нь тодорхой.

Иран улс эртнээс АНУ болоод өрнөдийн гүрнүүдтэй дайсагнасан харилцаатай. Яагаад гэвэл эртний өст еврейн төр улсыг тэд дэмждэг учраас. Тиймээс Иран л цөмийн цэнэгт хошууг дамжуулах нь дээ гэж үү. Бас л үгүй. Иран хэдийгээр өрнөдийнхөнтэй таагүй харилцаатай ч галаар тоглохгүй учраа ойлгож байгаа. Зоргоороо авирладаг "Исламын улс" бүлэглэлд цөмийн цэнэгт хошуу олон тэрбумаар зарлаа гэх тохиолдолд хажуу бөөрөнд нь тэсэлж дэлбэлээд цөмийн дайнд хүрэхийг тэд хүсэхгүй. Хүсэх байсан бол хэдийнэ Израйльтай дайны байдалд орчих байсан. Тиймээс Ираны эх сурвалж Исламын улсад арай л хаалттай.

Харин үлдсэн боломж нь дэлхий нийтийг аюул заналд учруулж мэдэх юм. Учир нь хэдийгээр АНУ-ын холбоотон боловч Пакистан улс салан задгай орон. Тогтворгүй төрийн бодлоготой, үе үе цэрэг иргэний төрийн эргэлт гарахад ойр. АНУ-ын арваад жил хайсан алан хядагч Осама бин Ладеныг баттай түнш орон хэмээн итгэж цөмийн зэвсэгтэй болгосон Пакистан л орогнуулж байсан.

Энэ ч утгаараа Америкийн ар нуруунд хутга дүрж мэдэх этгээд хэмээн олон улсын тоймчид элэглэдэг. Тэгээд ч Пакистан улс авлигад идэгдсэн байдлаараа дэлхийд дээгүүрт ордог. Орон нутгийн авлигад идэгдсэн түшмэлүүдээр дамжуулан цөмийн цэнэгт хошууг Пакистанаас гаргахад тэрбум доллар маш амархан үүргээ гүйцэтгэнэ. Ийм байдлаар Исламын улсын гарт ойрын хэдэн жилийн хугацаанд цөмийн зэвсэг орох магадлал байна хэмээн тоймчид бичжээ.

Шинжээчдийн энэ ажиглалт сүүлийн үед Исламын улсын талаархи мэдээллүүдтэй таарч байгаа. Учир нь Сири, Иракаас шахагдсан Исламын улс бүлэглэлийн дараагийн үйл ажиллагаа явуулах газар буюу голомтоо шилжүүлэх байрлал нь Пакистан, Афганистан мөн хуучин Зөвлөлтийн бүрэлдэхүүний ислам шашинт орнууд. Тэгэхээр ийм шилжилт хөдөлгөөн хийгдвэл дээр дурдсан улсуудын нутаг дэвсгэрээс цөмийн хошуу олдох магадлал энэ террорист бүлэглэлд бүр ч ойрхон болно. Тэгэхээр шинжээчдийн дүгнэлт бодит байдалд дөхөж очих болов уу. Амь тэмцсэн Исламын улсын удирдагчид эцэст нь хамгаа шавхаад, хийдгээ хийж мэдэх л юм.

Сэтгэгдэл 0ЭнгийнХэвтээБосооСэтгэгдэл бичих-Aa+
Санамсаргүй нийтлэл [ Энд дарна уу ]