Ангилал

Сайтын талаар ярилцъя Уншигчдын санал бодол

Нүүрээ нуусан нөхөд фэйсбүүкт их юм ярих юм аа...Уншсан8,454

Залуусыг түүхээ уншсан ч байлаа яасан ч байлаа гэсэн сэтгэлгээгээр Монгол түүхэндээ ханддаггүй болгох гол зорилготой манай бүлгэм ажиллаж байна.

Түүх сонирхогчдын хувьд цөөнгүй фэйсбүүкийн бүлгэмүүдэд нэгдэн, эх түүхийнхээ мэдлэгүүдийг хоорондоо хуваалцаж байна. Тэдний дундаас нэгэн группийн "зорилго, зарчим, шаардлага" анхаарал татсаны тул уншигчдадаа хүргэж байна. Хараахан түүхийн бүлгэмүүдэд гишүүнээр элсэж амжаагүй, эх түүхийн "амтат" постуудыг нь хуваалцаж завдаагүй байгаа уншигчдад "Дөчин түмэн монгол, дөрвөн түмэн ойрд монголчуудын түүх" группийн доорхи танилцуулга сонирхолтой санагдах болов уу. 

 
ДӨЧИН ТҮМЭН МОНГОЛ ДӨРВӨН ТҮМЭН ОЙРАД МОНГОЛЧУУДЫН ТҮҮХ бүлгэмийн зорилго , зарчим , шаардлага

 

Түүх (гре. ἱστορία) гэж хүний амьдрал, нийгмийн үйл явцыг цаг хугацаа, орчинтой нь уялдуулан задлан шинжилж, үр дагавар, нөхцөл, харилцаа холбооны “үйл явц”-г судлахыг хэлнэ . Хүн єнгєрсєн, одоо, ирээдүй цагийн хүрээнд дурсан санаж, дүгнэлт хийж, тєлєвлєж мєрєєдєж, алдаанаасаа суралцаж амьдардаг .Иймээс : - Эх түүхээ мэдэх нь залуу үеийнхэнд эх оронч сэтгэлгээ, эх нутгаа, Монголоо гэсэн үзэл бодолтой иргэнийг төлөвшүүлэхэд гол түлхэц болох ёстой , мөн энэ цөөхөн хүн ам, асар уудам нутагт өдий хүртэл уусан алга болоогүй, устаж мөхөөгүй оршсоор ирсний гол эх сурвалж мэдэж авах гэх мэт ач холбогдолтой юм.

 

Эх орон гэж юуг хэлэх вэ? “Эх орон гэж чи, би, бидний төрөл төрөгсөд, бидний хайраа шингээсэн эх хэл, газар шороо, өвөг дээдсийн түүх, үлдээсэн өв зэрэг бүх зүйлсийг хэлдэг” гэж Дагестаны нэрт яруу найрагч Расул Гамзатов бичсэн байдаг. Тэгвэл Эх оронч хүн гэж хэнийг хэлэх бол! Эх орон, ард түмэн гэж цээж дэлдэн хоосон цэцэрхэгчид биш. Эх орныхоо төлөө хүн юу хийж чадаж байгаараа эх оронч болдог. АНУ-ын ерөнхийлөгч агсан Жон Кенниди “Ask not what your country can do for you, ask what you can do for your country!” (Эх орон чинь чиний төлөө юу хийсэн юм бэ? гэж асуухын оронд өөрөөсөө би эх орныхоо төлөө юу хийж чадах вэ? гэж асуу) гэж хэлжээ. Иргэн хүн өөрөө өөрийгөө бүрэн эрхтэй эзэн болохоо гагцхүү эрх чөлөөтэй нийгэмд ухамсарладаг тул ямагт өөрийнхөө нийгмийг хамгаалахын төлөө байдгаараа эх оронч хүн юм. Оросын философич Чернышевский “Түүхт зам бол Невскийн өргөн гудамжин дахь явган хүний зам биш, тэр зам тоостой, шавар шавхайтай намаг дундуур ч, ой ширэнгэ дундуур ч гарах бүхэл бүтэн талыг гатлах юм. Тоосонд дарагдаж гутлаа бохирлохоос айж байгаа хүн нийтийн үйл хэргийн төлөө ажиллаж хэзээ ч чадахгүй”гэдэг үг одоо ч үнэ цэнээ алдаагүй, Одоо цагт олон шинжлэх ухаануудын дотроос хүнд үндэсний үзэл төлөвшүүлдэг цорын ганц шинжлэх ухаан бол ТҮҮХ юм , монгол эцэг, эхээс мэндэлсэн хүүхдийг монгол хүн болгож төлөвшүүлэхэд түүх, өв соёлынх нь тухай мэдлэг хэрэгтэй.

Тийм ч учраас Монгол Улсын Үндэсний аюулгүй байдлын тухай заалтанд "ТҮҮХ, СОЁЛ БОЛ ҮНДЭСНИЙ АЮУЛГҮЙ БАЙДЛЫН ДАРХЛАА" мөн гэж заасан байна . Иймээс Монгол улсынхаа түүхийг сонирхох, сонирхлыг нь өдөөх, судлах сонирхролтой болгох, эх орондоо хайртай хүн бүхэнд энэ зайлшгүй хэрэгтэй гэдгийг хэлмээр байна. Залуусыг түүхээ уншсан ч байлаа яасан ч байлаа гэсэн сэтгэлгээгээр Монгол түүхэндээ ханддаггүй болгох гол зорилготой манай бүлгэм ажиллаж байна. Түүхийн шинжлэх ухаан бол өнгөрснийг хөөж сургамж хайрлан, өнөөг цэгнэн дүгнэж, ирээдүйг дархалдаг бурхан ухаан билээ гэсэн үг байдгийг ч мартаж болохгүй .Иймд манай бүлгэмийн гол үзэл санаа бол Монгол улсын үндэсний ашиг сонирхол . Монгол улсын тусгаар тогтнол . Ард түмний эв нэгдэл юм . хамгийн гол нь үүнийг түүх талаас нь ярьж алдаа оноогоо үнэн зөвөөр ойлгуулж залуу үедээ үлдээх гэж хичээж байгаа. Түүхийн бүлгэмд санал бодлоо хуваалцах бол хэвийн үзэгдэл харин тэр хагалан бутаргах жалга үзэл эсвэл хийрхэл хэрүүл нтр бол байхгүй байлгахгүй . Манай бүлгэм энүүгээрээ бусад бүлгэмүүдээс эрс ялгаатай цаашдаа ч ялгарна, манай бүлгэм зарим нэг бүлгэм шиг хэрүүлийн эсвэл хийрхэлийн болон жалга үзэлт бүлгэм болохгүй ээ. Үүнийг үзэл бодлоо илэрхийлэх гэсэн сайхан үгээр халхавчлах гэвэл хүлээж авахгүй.

Хүний эрх бусдын эрхээр хязгаарлагдана өөрөөр хэлбэл хуулийн хүрээнд байх ёстой гэж би бол үздэг . 13-р зуунд монгол улс мандан бадарсан 20-р зуунд сэргэж их үсрэлт хийсэнд нэг л адилхан зүйл байгаа юм , тэр бол төр хүчтэй байсанд оршино , төрийн хүч хуулиар илрэн гарч бүгд хуулийн өмнө бөхийдэг тэр л үе гэж болно , 13-р зуунд Чингис хааны зарлиг их засаг хуулийг хэн ч зөрчдөггүй , зөрчих зүрхгүй байсан бол , 20-р зуунд соц нийгмийн хатуу чанга хууль улс орон ард түмнийг нэг зүгт чиглүүлж чадаж байсанд л оршиж байгаа юм ., харин бусад үед яг үүний эсрэг байсан , одоо монгол улсын үндсэн хуулинд ч, бас эрүүгийн хуулинд ч бусдыг ялгавлан гадуурхах , гутаан доромжлох , үндэсний эв нэгдлийг бусниулахыг хориглох заалт бол байдаг , иймээс тус групп бүх хүнд нээлттэй сайн дурын хэдий ч, бусдыг ялгавлан гадуурхах , гутаан доромжлох , үндэсний эв нэгдлийг бусниулах үг хэллэгийг хориглоно, миний эрх бусдын эрхээр хязгаарлагдана гэдгийг хүн нэг бүр бодож үзэх хэрэгтэй .

Нүүрээ нуусан нөхдүүд их юм ярих юмаа . гэтэл одоо өнөө үед шинэ нийгэм гээд хуучнаа үгүйсгэж орхиод Монгол маань юу болов . Бид хуучин нийгмийн алдааг бас оноог ч ярих ёстой . Ялангуяа шинэ үеийнхэн үнэнээр нь мэдэж авах хэрэгтэй. Би коммуннист биш социалист нийгмийг буруу гаж нийгэм гэдэг гэхдээ ингэлээ гээд ахмад үеийн хийсэн бүтээснийг харлуулж болохгүй . Бас нэг зүйлийг хэлэхэд манай хийрхэгч нар оросоос Тува Байгаль нуур Буриадыг дээрээс нь Халимагыг нэхсэн юм бичих юм , тэгвэл цааш казахаас дорнод казахстан или мөрний сав тарвагатай зайсан нуурыг нэхье , бас хятадаас дээд монгол цинхай муж, шинжаан уйгарыг, өвөрмонгол манжуурыг бас нэхье тэгээд юу болохыг төсөөл дөө үүнийг Хийрхэл гэдэг юм. үүнийг уншсэн гадныхан биднийг Дэлхийн хамгийн тэнэг улс гэж нэрлэн элэг доог хийнэ энэ нь цаагуураа харин Монголын аюулгүй байдал, үндэсний эрх ашигт хортой зүйл болно гэдгийг хийрхигч нар ойлгохгүй байгаа нь сонин байгаа юм. Ханаж цадахаа мэддэггүй хоёр том гүрний дунд хил хязгаарын будлиангүй байна гэдэг маш том аз. Энэ бүгдийг нөгөө муу хэлүүлээд байдаг маршал Чойбалсан,Цэдэнбал нарын үед хийж хэрэгжүүлж,баталгаажуулж авсан.

Одоо Монгол улсын хил хязгаар,газар нутагт хэн ч санаархаж чадахгүй. Монгол улсыг ч хэн ч хөндөж чадахгүй. Ганцхан аюул,айдас байна. Энэ нь ердөө монголчууд монголоо татан унагадаг түүхийн гашуун алдааг давтах бий гэсэн айдас юм. Ийм байдалд орохгүй байхыг өнөөгийн бид болон бидний үр хүүхдүүд анхаарч байх ёстой, өвөг дээдсийн минь халуун амь бүлээн цус,их хөдөлмөр, зүтгэл талаар болно . Хэрүүлийн тухайд манай түүх сонирхогч нар ямар ч цензургүй бүлгэм яаж хэрүүлийн бүлгэм болж бие биеэ харааж зүхэж доромжилж байгааг бараг бүгдээрээ мэднэ, намайг ямар бүлгэмийн тухай ярьсаныг ч ойлгосон байх , гэтэл тэр үг үйлдэл нь бүлгэмийн зорилго утга учрыг алдуулна хамгийн гол нь Монгол улсын хуулийнд харш гэж , тиймээс үзэл бодлоо илэрхийлэх нэрээр утга учиргүй хэрүүл хийхийг мөн хориглоно .

Эцэст нь жалга үзэл гэж товчлон хэлж байгаа хагалан бутаргасан үндэсний эв нэгдэл алдагдуулсан үг үйлдэлийг ямар нэгэн тайлбаргүй эрс шийдвэртэй хориглоно , эх оронч хэнийг бай жалга үзэлгүйгээр нэг монгол гэсэн үзлээр алдаршуулна залуу үедээ сурталчилна , монголын эрх ашигт харш хэн ч байсан жалга үзэл огт барихгүйгээр шүүмжилнэ гаргасан алдаа үйлдлийг залуу үед сургамжлан үлдээж цаашид давтуулахгүй байхын ач холбогдолыг таниулна . Ер нь бол бидний жалга гэж нэрлээд байгаа энэхүү үзэл маш хортой бөгөөд Монгол улсын тусгаар тогтнолыг булшилсан гэдгийг бид хэзээ ч мартаж болохгүй билээ . Харин бүлгэмийн гишүүдэд хилийн гадна оршин сууж байгаа ах дүү монголчууддаа аль болохоор танилцуулж холбохыг хичээх болно, одоо бол Монголчууд бол МОНГОЛ улсын Монголчууд хилийн гаднахь монголчууд гэж хоёр л хуваагдаж байгаа юм. Бид тэдгээр монголчуудаа газар нутагтай нь нэгтгэнэ нтр гэж утопи хийрхсэн юм ярьж байхаар харин тэдгээр монголчуудынхаа гэрэл гэгээ итгэл найдвар болж улс шиг улс болж соёл урлагийн төвшинд өндөр харилцаатай байх талаараа илүү бодмоор байгаа юм.

Бүлгэмийн гишүүдийг анхааран уншсанд баярлалаа.

"Дөчин түмэн монгол, дөрвөн түмэн ойрд монголчуудын түүх"

Сэтгэгдэл 4ЭнгийнХэвтээБосооСэтгэгдэл бичих-Aa+
8 сар 17. 11:54
Барс

ТИЙМ ШҮҮ, ХИЙРХЭГЧ НӨХӨД МИНЬ ЭЭ, ХИР ХЭМЖЭЭГЭЭ МЭДЭЖ, БУСАДДАА ҮР ХҮҮХЭДДЭЭ ГАЙ ТӨВӨГ БОЛОЛГҮЙ ШИГ, АРАМАНДАА БУРЖ ЧАЛЧИЖ БАЙМААР БНДАА

8 сар 17. 11:37
Tomor

Мохошгүй монгол бацаанаа, худлаа уян шаажээ.

9 сар 5. 21:39
Зочин

tiimee hinii tolgoi deer bid MONGOLchuud udahgui tsahiur hagalana amnaasaa bolj buderehgui bol chi uzenedee bohir tsust

8 сар 24. 20:51
Зочин

Арил цаашаа

Сэтгэгдэл бичих
Санамсаргүй нийтлэл [ Энд дарна уу ]