Ангилал

Сайтын талаар ярилцъя Уншигчдын санал бодол

Сая сая долларын үнэтэй “Инээмтгий хүн”Уншсан3,549

Хамгийн үнэтэй зарагдсан зургуудын эзэн гээд л нэг үе манай сонин хэвлэлийн арын нүүрнээс мэдээ нь салаагүй юм даг.

Дэлхийд алдар нэртэй зураачдыг тэр болгон бид мэдэхгүй авч харин хятад зураач Юэ Миньзюнийн цөөнгүй зургийг интернэт болон хэвлэлээс харсан бид түүнийг  танина. Хамгийн үнэтэй зарагдсан зургуудын эзэн гээд л нэг үе манай сонин хэвлэлийн арын нүүрнээс мэдээ нь салаагүй юм даг.

Хятад манай урд хөрш болохоор орчин цагийн Хятадын урлаг бидэнд сонирхолтой байж болно. Ер нь бол ваар сав, хуйлдаг зураг, ахуйн бараа, ном хэвлэлээс бидний амьдралд Хятадын урлаг нэлээд гүн суугдсан байдаг аж.  

Ямар  байлаа ч гэсэн Юэ Миньзюнь уран бүтээлээрээ хэт их сонирхол татсан, зураг нь аажмаар ойлгомжтой болоод тэр юу хэлэх гэсэн нь тодорхой болдогтоо ч биш харин зүгээр мэдэж байх ёстой уран бүтээлч хүн гэвэл урлаг судлаачид зөвшөөрдөг. Орчин үеийн урлагт ховорхон байгаа өөрийгөө илэрхийлэх ер бусын арга барилаа олсон сонирхолтой зураач бол Юэ Миньзюнь яахын аргагүй мөн.

Барууны шүүмжлэгч нар Юэгийн уран бүтээлийг “Ичгүүргүй реализм” гэж нэрлэсэн нь хүнийг амьдралын хөөрөлд автсан доожоогүй амьтан болгон элэглэн шоолсон, нарийн нандин зүйлгүй нэгэн гэсэн цолыг түүнд хадаж буй хэрэг юм. Харин зураач өөрөө энэ бүгдийг эрс үгүйсгэдэг ба хэн нэгнийг зураагүй зөвхөн өөрийгөө зурсан хүн гэж тэр хэлдэг.

Гэсэн хэдий ч түүний зургууд сая ам.долларын шугамыг хэдийнэ давж борлогддог нь гайхалтай.

Үнэн хэрэгтээ, тэр хүмүүсийг биш зурмал хуудсын тэнэгдүү соцреализмыг шүүмжилж буй гэхэд онцын алдаа байхгүй биз. Түүний дүрүүд нь Хятадын коммунистуудыг элэглэсэн шог зураг  гэж ч тодорхойлдог.

 

Юэ Миньзюнь Зүүн Хойд Хятадын Хэйлунцзян мужийн Дацин хотноо төржээ. Эцэг нь нефтийн салбарт ажилладаг. Хүү эхлээд эцгийн замаар орон Тэнжинийн нефтийн компанид цахилгаанчнаар  ажиллажээ. Зураг зурах сонирхол нь давамгайлсан залуу хүү Хэбэйн их сургуульд урлаг судлан уран зураачийн ангид суралцлаа.

Дээд сургуулиа дүүргээд Бээжин хотноо ирсэн тэр дизайнер болов. Уран зургаа орхиогүй Юэ Миньзюнь удалгүй өөрийн хэв маягийг олжээ. Зураачийн анхны гадаад үзэсгэлэн Лондон хотноо 2000 онд нээгдэв. Түүний хувьд хамгийн том амжилт нь 2005 он ба Швейцарь, Голланд, Герман, АНУ-д нэр хүндтэй үзэсгэлэнгүүдэд оролцон өөрийгөө таниулсан байдаг.

Заримдаа зурагт хуудсуудыг элэглэн шоглож, заримдаа дэлхийн уран зургийн сонгодог бүтээлүүдийг  хуулсан шоглоомыг ч тэрээр зурдаг. Эжен Делакруагийн “Хиос дахь яргалал” зургийн элэглэлийн бүтээлээ тэр Гонконгийн Sotheby's дуудлага худалдаан дээр 4,1 сая ам.доллараар зарсан нь арилжааны хамгийн үнэтэй зураг болон шуугиан тарьж байлаа. Bloomberg агентлаг тодруулан тэмдэглэснээр энэ бүтээл ба арилжааны хамгийн үнэтэй есөн лотыг Хятадын баячуудад худалдсан байв. Лондоны Sotheby's дуудлага худалдаа 2007 оны зургадугаар сард Диего Веласкесийн зурсан “Папа лам Х Иннокентийн хөрөг” зургийн инээдмийн хуулбар хувилбарыг 4,37 сая ам.доллараар мөн зарсан байдаг.

Зураач улс төрийн хэрэгт хутгалдан Тянь Аньмэнийн талбайн цуутай хэрэг явдлын сэдэв мэтээр зураг зурдаг нь эрх баригчдад үл таалагдах авч түүнийг тэвчихээс өөр аргагүй. Юэ Миньзюнь Баруунд хэтэрхий их нэр нүүр олсон учраас эрх баригчид боломжийнхоо хирээр түүнийг нийгмээс тусгаарлах гэдэг. Түүнд бусад нэртэй зураачдын хамт Бээжингийн ойролцоох элитийн тосгонд амьдрахыг зөвшөөрсөн ба зураачид тансаг байр, ганган машинтай байхыг зөвшөөрсөн байна. Боломжийнхоо хирээр, гадаадад хүссэн орондоо тэр очдог бөгөөд үзэсгэлэнгээ гаргадаг нь ямагт ихээхэн амжилт дагуулдаг. Өдгөө түүний уран зураг Нью-Йорк, Лондон, Парисийн уран зургийн музейнүүдэд тавигджээ.

1997 оны хавьд зурагдсан “Инфанта” буюу “Гүнж” гэдэг энэ зураг 1,8-2,5 сая ам.доллараар зарагджээ

Улаан туг

Эжен Делакруагийн "Хиос дахь яргалал" зураг

Хятад зураачийн элэглэсэн "Хиос дахь яргалал" зураг 4.1 сая ам.доллар хүрсэн
4,37 сая ам.доллар хүрсэн “Папа лам Х Иннокентийн хөрөг”
Диего Веласкесийн жинхэнэ “Папа лам Х Иннокентийн хөрөг”
Сэтгэгдэл 0ЭнгийнХэвтээБосооСэтгэгдэл бичих-Aa+
Санамсаргүй нийтлэл [ Энд дарна уу ]