Ангилал

Сайтын талаар ярилцъя Уншигчдын санал бодол

Хорвоогийн элдэв сонин хачин, танин мэдэхүйн нийтлэлүүдийг тоон дарааллын сонирхолтой хэлбэрт оруулж уншигч танд хүргэж байна. Таалан сонирхоно уу!

Хаан ширээнээсээ татгалзсан 10 хаанУншсан4,716

Бараг 40 хүн хаан ширээнээсээ татгалзсан ХХ зуун нь эргэлтийн шинжтэй гэмээр үе болсон билээ. Тийнхүү хамгийн содон 10 түүхийг эргэн санацгаая.

 

Бараг дөчин жил Испанийг захирсан ван нэгдүгээр Хуан Карлос саяхан хаан ширээнээсээ бууж, хүү зургаадугаар Фелипе нь түүний орыг залгасан билээ.

Хуан Карлос ард түмэндээ хандаж телевизээр үг хэлэхдээ, яагаад ингэж шийдвэрлэснээ тайлбарлаад, улс оронд хэрэгтэй шинэтгэлийг хэрэгжүүлж чадах залуу, эрч хүчтэй үеийнхэнд засаглалын эрхийг шилжүүлэх цаг боллоо гээд, миний хүү хаан болоход бүрнээ бэлэн гэж мэдэгджээ.

Энэ мэдээ нь төрийн тогтолцоо солигдож, харин ван, хаад ямар нэг шалтгаанаар хаан ширээгээ орхиж байсан өнгөрсөн үеийн цуурай мэт сонсогдсон юм.

Бараг 40 хүн хаан ширээнээсээ татгалзсан ХХ зуун нь эргэлтийн шинжтэй гэмээр үе болсон билээ. Тийнхүү хамгийн содон 10 түүхийг эргэн санацгаая.

1.СУНЖОН

Сунжон бол Солонгосын эзэнт гүрний сүүлчийн хаан юм. Түүний эцэг Кожон хаан ширээнээсээ татгалзжээ. Гэвч тус орныг япончуудад бүрэн захируулахын тулд Сунжоныг хэсэгхэн хугацаанд л хаан болгосон байна. Сунжон бие даасан бодлого явуулж чадаагүй бөгөөд хэрэг дээрээ япончуудын гарт тоглоомын этгээд болж байжээ. Түүний засаглалын үед ганцхан батальоныг үлдээн, солонгосын армийг тараасан байна. Сунжон 1910 онд хаан ширээнээс буусан юм.

  1. ХОЁРДУГААР МАНУЭЛ

Хоёрдугаар Мануэл бол Португалийн 35 дахь ван бөгөөд нэгдүгээр Карлуш болон Орлеаны Амелия хатны дундаас гарсан хоёр дахь хүү юм. Түүний эцэг болон ван болох ёстой байсан ах нь алагдахад тэр 19 настайдаа хаан ширээнд заларсан байна. Хоёрдугаар Мануэл аядуу зөөлөн бодлого баримтлаж, дарангуйлагч засгийн газрыг огцруулан, ардчилсан сонгууль явуулахаар товлож байжээ. Гэвч хоёр жилийн дараа 1910 онд хувьсгалаар түлхэгдэн унаж, харин Португалийг бүгд найрамдах улс гэж зарлан тунхагласан юм.

  1. ПУ И

Айсинь гёро Пу и буюу Пу И гэдгээрээ нэрд гарсан тэр Манж Чин улсын сүүлчийн эзэн хаан бөгөөд 1924 он хүртэл эзэн хааны статусаа хадгалж байжээ. Харин 1917 оны долдугаар сарын 1-нээс 12-ны хооронд Пу И засаглалын жолоог дахин барьж, гэхдээ үүнийгээ алдаж, дараа нь Манжуурыг хэсэг хугацаанд захирч байсан байна. БНХАУ байгуулагдсан хувьсгалын дараа 1949 онд Пу И-д цэргийн гэмт хэрэг үйлдсэн хэргээр 10 жил хорих ял оноожээ.

  1. ХОЁРДУГААР НИКОЛАЙ

Хоёрдугаар Николай бол Оросын эзэнт гүрний сүүлчийн хаан юм. Эдийн засаг эрчимтэй хөгжиж байсан ч, Октябрийн хувьсгалын явцад 1917 онд хаан ширээнээс аргагүйн эрхэнд буусан билээ. Японтой хийсэн дайн болон Дэлхийн нэгдүгээр дайн төр улсыг үлэмжхэн сулруулж, улмаар хувьсгалт санаа бодол төрийн байгууллыг өөрчлөх үндэс болсон юм. Хоёрдугаар Николай болон хааны гэр бүлийнхнийг большевикууд буудан хороосон билээ.

5.НЭГДҮГЭЭР ФЕРДИНАНД

Нэгдүгээр Фердинанд нь Балканы хойгийн дайнуудыг өдөөгчийн нэг байсан гэдгээрээ зартай хүн байжээ. Германы дэмжлэгтэйгээр тэрхүү хаан Османы эзэнт гүрний өвийг өөрийн болгосноор Балканы хойгт жанжлалаа тогтоохоор санаархаж байжээ. Эхлээд Болгар улс Дэлхийн нэгдүгээр дайнд Германы талд, дараа нь Турктэй холбоотойгоор байлдаж байжээ. Дайнд ялагдсаны дараа нэгдүгээр Фердинанд 1918 онд хүү гуравдугаар Борист эрх мэдлээ шилжүүлж, өөрөө хаан ширээнээсээ буусан байна. Гэвч энэ нь тус болоогүй бөгөөд Фердинандыг залгамжлагчид алагдаж, харин Болгар коммунист улс болсон билээ.

6.ХОЁРДУГААР ВИЛЬГЕЛЬМ

Хоёрдугаар Вильгельм бол Германы сүүлчийн хаан бөгөөд геополитикийн тавцанд өөрийн орны гүйцэтгэх үүргийг хүчтэй болгохоор зорьж байжээ. Эзэн хааны эдийн засаг, цэргийн болон колоничлолын дэврүүн санаа бодол эцсийн бүлэгт Дэлхийн нэгдүгээр дайнаар дуусгавар болж, энэ дайнд ялагдсан нь Арваннэгдүгээр сарын хувьсгалын явцад хаант засаг унахад хүргэсэн байна. Эзэн хаан 1918 онд хаан ширээнээс буужээ. Хувьсгалаар Германд парламентын ардчиллын дэглэм тогтож, энэ дэглэм нь Ваймерын бүгд найрамдах улс гэдгээрээ нэрд гарсан билээ.

  1. РЕЗА ПЕХЛЕВИ

Реза Пехлеви бол Ираны шах байсан бөгөөд одоо болтол тус улсын түүхэн дэх хамгийн зөрчилтэй хүний нэгэнд тооцогддог юм. Тэр нийгэм, эдийн засгийн хэд хэдэн шинэтгэл хийж, “Перс” гэсэн нэрийг хүчингүй болгосноор, гадаадын түншүүдээ “Иран” гэдэг нэрэнд дасгасан юм. Гэвч дэлхийн хоёрдугаар дайны үед Их Британи, ЗСБНХУ-ын цэргийг өөрийн нутагт байрлуулахаас татгалзахаар оролдож байсан байна. Энэ нь зөвлөлт-британийн цэргийг Иранд цөмрөн ороход хүргэж, ингэсний дараа шахыг холбоотнуудын цэргийн хүчээр 1941 оны есдүгээр сарын 16-нд хаан ширээнээс буулгажээ.

  1. ГУРАВДУГААР ВИКТОР ЭММАНУИЛ

Виктор Эммануил өөрийгөө Италийн төдийгүй, түүнчлэн Этиоп, Албани улсын хаан гэж үзэж байжээ. Гэвч тэр үеийн гол орнуудын аль нь ч эдгээр хэргэм цолыг хүлээн зөвшөөрөөгүй байна. Муссолинигийн засаглалын үед түүнд эзэнт гүрний анхны маршал цол олгож байжээ. Гэвч сүүлд нь гуравдугаар Эммануил 1943 оны долдугаар сарын 25-нд дучег огцруулж, баривчлах тухай фашистын их зөвлөлийн шийдвэрийг дэмжсэн байна.

Ингэсний дараа хаан холбоотнуудын талд ажиллах болсон ч, энэ нь нийт ард түмний санал хураалт явуулахаас италийн эзэнт гүрнийг авраагүй бөгөөд уг санал хураалтын дүнд хаант засаглалыг татан буулгасан юм.

  1. НЭГДҮГЭЭР ФАРУК

Нэгдүгээр Фарук Египет, Суданыг захирч байсан сүүлчийн хаан юм. Түүний засаглал Дэлхийн хоёрдугаар дайны дараа 1952 онд дуусгавар болжээ. Эхний жилүүдэд хэд хэдэн амжилттай арга хэмжээ авч хэрэгжүүлж байсан ч, 40-өөд оны сүүлч гэхэд хувийн амьдралдаа илүүтэй анхаарал тавьж, хүүхэн шуухан, мөрийтэй тоглоом болон тансаг эд зүйлсэд их мөнгө зарцуулах болжээ. Тэр үед төрд авлига гаарч байжээ. Тийнхүү Мохаммад Нагибын удирдан хийсэн цэргийн эргэлтээр эрх мэдлээ алдсан байна. Фарукийн хүү хоёрдугаар Ахмед Фаудыг шинэ хаанаар өргөмжилсөн бөгөөд тэр үед шинэ хаан нэг ой ч хүрээгүй байжээ. Нэг жилийн дараа Египет хаант засгийг албан ёсоор буулгасан байна.

  1. ГЬЯНЕНДРА

Гьянендра Бир Бикрам Шах Дев бол ХХ, ХХI зуунд Балбыг захирч байсан анхны хаан юм. Эхлээд хүүхэд байхдаа 50-иад оны эхээр, харин ахыгаа нас барсны дараа 2001 онд хаан ширээнд заларч байжээ. Ахыг нь Гьянендрагийн ач, хунтайж Дипендра хороож, харин дараа нь амиа хорлосон гэж үздэг юм. Ганцаар захирах зарчим баримталж, өмнөх вангийн үхэлд тэр холбогдолгүй гэдэгт хүмүүс эргэлзэж байсан нь нийгэмд түгшүүртэй байдлыг ихэсгэсэн байна. Ингэснээр үндсэн хуулийн шинэтгэл хийж, хаант засгийг буулгажээ. Тийнхүү Гьянендра 2008 оны тавдугаар сарын 28-нд хаан ширээнээс буусан байна.

Сэтгэгдэл 2ЭнгийнХэвтээБосооСэтгэгдэл бичих-Aa+
6 сар 29. 18:43
Зочин

Яая, тэр эзэн хаан Романов бол зүгээр л шүтээн юм аа. Ухна царайлсан улаан оросууд ийм гайхамшигаа шороотой хутгасан шүү дээ. Сүнсээ худалдсан муу новшнууд. Улс оронгүй болоод дэлхийгээр нэг тэнүүчлэх тавилантай. Тэдэнд тийм шийтгэл л таарна. 22-р зууны цыганууд Оросууд байх болно доо.

9 сар 2. 16:56
нано

юугаа ч мэдэхгүй маанаг минь, ном жаахан уншиж бай

Сэтгэгдэл бичих
Санамсаргүй нийтлэл [ Энд дарна уу ]