Ангилал

Сайтын талаар ярилцъя Уншигчдын санал бодол

“Алуурчин Мэри” буюу хүмүүст цаазлуулсан өрөвдөлт зааны түүхУншсан4,412

“Алуурчин Мэри” гэх нэрээр түүхэнд тэмдэглэгдэн үлдсэн 5 тонн жинтэй зааныг сургагчаа хөнөөсөн хэрэгт буруутган 1916 онд дүүжлэн алсан юм.

Өнгөрсөн хорьдугаар зуунд болсон чих сортойлгом энэ түүх хүмүүс ямар харгис болохыг нотлох шиг.

“Алуурчин Мэри” гэх нэрээр түүхэнд тэмдэглэгдэн үлдсэн 5 тонн жинтэй зааныг сургагчаа хөнөөсөн хэрэгт буруутган 1916 онд дүүжлэн алсан юм. Түүний ялыг гүйцэтгэхийг үзэхээр 2500 орчим хүн цуглаж, сонин хэвлэлүүд эхний нүүрээ Мэригийн дүүжлүүрт буй зургаар дүүргэж байжээ.

1916 оны есдүгээр сарын 12-нд Уолтер Элдриж нэртэй нэгэн залуу “Sparks World Famous Shows” циркэд туслах заан сургагчаар ажилд оржээ. Гэвч тэр заантай харьцах туршлага тун багатай, харин үзүүртээ хурц үзүүртэй саваа модоор хатгаж, заанаар хүссэнээ хийлгэж чадна гэж итгэдэг нэгэн байжээ. Тэрээр циркэд нэг л өдөр ажилласан юм.

 

Мэри шоуныхаа од заан байсан ба зааны цувааныхаа дандаа эхэнд гардаг. Аллага болсон тухайн өдрийн тоглолтын үеэр сургагч Уолтер Элдриж Мэригийн чихний ар хэсэг рүү хурц үзүүртэй саваа модоороо хэд хэд чичихэд Мэри гэнэт уурлан нөгөө залуу руу дайрч газар унагаад толгой дээр нь дэвсчихсэн аж.

Айж балмагдсан үзэгчид хашгиралдан зугатаж, орон нутгийн төмрийн дархан эр түүн рүү гар буугаар таван удаа буудсан боловч зааны зузаан нурууг төдийлэн гэмтээж чадсангүй.

“Зааныг ал, зааныг алаач ээ” гэж хашгиралдах хүмүүсийн бужигнаан, өөр рүү нь буудахыг үл тоон Мэри гэнэт тайвширч, байрандаа зогссон байна.

Циркийн эзэн Чарли Спаркс үүссэн ээдрээт нөхцөл байдлыг хурдан шийдэх цорын ганц арга нь Мэрийг олон нийтийн өмнө цаазлах арга гэж шийджээ. Ингээд түүнийг дүүжлэн алахаар шийдсэн байна.

Ингээд дараагийн өдөр нь буюу есдүгээр сарын 13-нд Мэрийг Теннеси мужийн Юточигийн Клинсфилдийн төмөр зам руу аваачжээ.

Уурлаж зугатвал байдал бишдэнэ гэж бодсон циркийн захирал бусад заануудтай нь хамт Мэрийг аваачсан байна. Ингээд түүний хүзүүгээр гинж ороож, нэг хөлийг нь төмөр замаас сайтар бэхэлжээ. Үүний дараа кранаар дээш өргөхөд Мэригийн хүзүүний яс хугарч буй чимээ гарч, 1,5 метрийн өндөрт гаргахад гинж нь гэнэт тасарч доож унагажээ.

Хэдийгээр хүзүү нь хугарсан байсан ч Мэрийг дахин кранаар дээш өргөн дүүжилэхэд бүдүүн хөл нь сарвалзан гунганан дуугарч, харин үзэж байсан хүмүүс баяр хөөр болох инээлдэж байсан гэжээ.

Түүнийг хагас цаг дүүжилсэн хэвээр байлгасны дараа л үхсэн хэмээн баталж буулгажээ.

Энэхүү хэргийг хорьдугаар зууны хамгийн харгис, амьтдын эсрэг үйлдсэн хамгийн том гэмт хэрэг хэмээн тооцдог байна.

 

Н.УНДАР

Сэтгэгдэл 1ЭнгийнХэвтээБосооСэтгэгдэл бичих-Aa+
6 сар 20. 15:57
Зочин

бузартай юм аа.ер нь энэ амьтантай цирк гээчийг боливол таарна.үзэгчдэд л учиргүй сайхан хөөрхөн харагдаад ,баярлаад,алга ташаад байдаг.гэтэл цаанаа хөөрхий гэмгүй амьтсыг бүр зовоогоод хаячихдаг юм билээ ш дээ.нэг жишээ нь гэхэд энэ болсон байна ш дээ

Сэтгэгдэл бичих
Санамсаргүй нийтлэл [ Энд дарна уу ]