Ангилал

Сайтын талаар ярилцъя Уншигчдын санал бодол

Германы 1 цэргийг устгахын тулд Улаан армийн 3 цэрэг амиа алдсан уу?Уншсан7,694

Албан ёсны гэж үздэг тоо баримт нь худал бөгөөд үзэл суртлын зорилгоор санаатайгаар бууруулж гаргасан тоо гэж зарим судлаач үзэж байна.

Аугаа Их Эх Орны дайнд Зөвлөлтийн улаан арми хэчнээн цэргээ алдсан бэ? Албан ёсны гэж үздэг тоо баримт нь худал бөгөөд үзэл суртлын зорилгоор санаатайгаар бууруулж гаргасан тоо гэж зарим судлаач үзэж байна.

Аугаа Их Эх Орны дайн бол хуучин Зөвлөлт Холбоот Улсын түүхэн дэхь хамгийн эмгэнэлтэй тэгсэн атлаа бас бахархалтай нэгэн хуудас билээ. Дайны эхэн үед Гитлерийн армийн төгс машинд хэмх нүдүүлж, бараг тамтаг болтлоо балбуулсан Зөвлөлтийн Улаан арми яван яван чангарсаар дайны дунд үед санаачлагыг өөртөө авч улмаар дайснаа нутаг дэвсгэрээсээ хөөн гаргаж, эцэст нь ичээнд нь бут цохин ялсан билээ. Ингэхдээ Зөвлөлтийн ард түмэн, тэр дундаа түүний Улаан арми асар их үнэ цэнэ төлжээ.

 

1941-1945 оны хооронд Зөвлөлт-Германы фронт дээр Улаан арми нийт хэр хэмжээний хохирол амссан бэ гэдэг нь удаан хугацааны туршид туйлын эмзэг бас маргаантай асуудал байсаар ирсэн юм. Дайны үед бүртгэл тооллого хангалтгүй хийгдэж байсан болон бусад олон шалтгааны улмаас амь үрэгдсэн цэргийн тоог яг таг тогтоох нь нэн хүндрэлтэй байж иржээ. Мөн үзэл суртлын асуудал ч байсан. Хэрэв зөвлөлтийн армийн хохирол германы армийнхаас хэтэрхий их болж таарвал энэ нь эргээд улаан армийн нэр хүнд улмаар дайнд ялалт байгуулсан Зөвлөлт улсын нэр хүндэд ч тодорхой хэмжээгээр сөргөөр нөлөөлж таарах байв.

Ийнхүү тодорхойгүй байсан асуудлыг нэг тийш болгох үүднээс 1990-ээд онд ОХУ-ын эрх баригчид судалгаахийсний үр дүнд 1993 онд хамгийн анхны албан ёсны тоо баримтыг олон нийтэд дэлгэжээ. Энэ тоо баримтаар бол:

1941-1945 онд Зөвлөлтийн Улаан арми нь нийт 8.6 сая хүнээ алдсан, үүнээс 6.8 сая нь тулаанд алагдаж1.8 сая нь олзноос эргэж ирээгүй байна. Үүнтэй харьцуулахад, Германы арми нийт 5-6саяхүнээ алдсанбайна. Өөрөөр хэлбэл Зөвлөлт ба Германы цэргийн шууд хохирлын харьцаа 1.3:1 байгаа юм.

Гэхдээ оросын зарим судлаач дээрх тоо баримтыг дутуу бас буруу тооцоолсон, үндэслэл муутай; Улаан армийн жинхэнэ хохирол үүнээс хавьгүй их байна гэж шүүмжилдэг ажээ. Тухайлбал түүхийн ухааны эрдэмтэн, цэргийн түүх судлаач Лев Лепуховскийн тооцоогоор бол Зөвлөлтийн цэргийн хохирол 8.6 сая биш харин 13-14 сая болж байгаа юм. Хамгийн гол ньОХУ-ын Батлан Хамгаалах Яамны Төв Архивт(ЦАМО - Центральный Архив Министерства Обороны) эх орны дайнд амь үрэгдсэн, сураггүй алга болсон гэх нийт 14.4 сая гаран цэрэг, офицерын нэр бүхий мэдэгдэх хуудас агуулагдаж байдаг байна. Энэ бол архивт буй бүх мэдэгдэх хуудсыг нэрний давхардал болон амьд үлдсэн хүнийг буруу мэдээлсэн гэх мэт элдэв алдаанаас бүрэн шүүж цэгцэлсний дараах тоо юм. Энэ нь 1993 онд зарласан албан ёсны тооноос даруй 5 саяар илүү гарч байгаа билээ. Ийм их зөрүүг тооцож үзэхгүй байна гэдэг бол үнэхээр бүдүүлэг бүр байж болшгүй алдаа гэж Лепуховский шүүмжилж байгаа юм. Тэгэхээр хэрэв энэ 14.4 сая гэсэн тоог бодит гэж авбал Зөвлөлт-Германы цэргийн хохирлын харьцаа 3:1 болж таарч байгаа юм. Өөрөөр хэлбэл Зөвлөлт-Германы фронт дээр амь үрэгдсэн 1 герман цэрэг бүрт Улаан армийн 3 цэргийн амь оногдоно гэсэн үг.

Хэрэв энэ тоо баримт үнэн бол ийм их хохирлын учир шалтгаан юу байх вэ? Дайны эхэн үед армийн дээд удирдлага хэд хэдэн удаа харалган шийдвэр гаргаж байсан, бага болон дунд тушаалын офицеруудын мэдлэг ур чадвар ерөнхийдөө сул байсан, германы арми зэвсэг техник чанарын хувьд илүү байсан, германы армийн цэрэг офицерууд ялангуяа бага дунд тушаалын дарга нарын мэдлэг чадвар ерөнхийдөө илүү байсан гэх мэт үндсэн шалтгаануудыг судлаачид хэлдэг байна. Түүнээс гадна улаан армийн удирдлага, анги нэгтгэлийн захирагчид тулааны талбар дээр тактик стратегийн гэхээсээ улс төрийн шинж чанартай шийдвэр тушаал заримдаа гаргадаг байсан нь ч бас нөлөөлсөн байх талтай. Хэдийгээр уран сайхны хэртүүлэг байж мэдэх ч бид кинон дээрээс, дайсны сайн бэхлэгдсэн галын цэгийг эзлэхийн тулд цэргүүдээ пулемет минометын шуурган галын өөдөөс хайр найргүй хөөж босгож буй дүр зургийг олонтаа харж байсан, тийм үү?

Гэхдээ энэ бол нацизмын эсрэг дайнд Зөвлөлтийн ард түмэн, эгэл эр цэргийн оруулсан хувь нэмрийг огтхон ч багасгах ёсгүй. Урдаас ирэх сумны исгэрээнийг сөрөн, муу даргын харалган тушаалтай давхар "тэмцэлдсээр" халуун амиа үл хайхран шүд зуун урагшилж, эцсийн дусал цусаа эх орондоо өргөсөн зөвлөлтийн жирийн дайчин цэрэг эрийн алдар гавьяа үүрд мандан бадраг ээ.

https://ru.wikipedia.org/wiki/Потери_в_Великой_Отечественной_войне

Сэтгэгдэл 32ЭнгийнХэвтээБосооСэтгэгдэл бичих-Aa+
11 сар 12. 1:45
Зочин бат

Орс хүн дэлхиин2 дугаар дайнд дотоод болон гадаад.ниилээд 55 сая хүнээ алдсан шүү ном зохиол сайн уншиж байлдаа худлаабүү ярьж байцгаа

9 сар 28. 7:26
Зочин

Германууд оросын 4 сая цэргийг н олзолсон шүүдээ. Зөвхөн Киевийн дэргэдээс 600 мянган хүнийг олзолсон гэдэг

9 сар 16. 13:03
Зочин

Сталин угаасаа орос биш бас мэдлэг боловсролгvй хулгайч луйварчин байсан гэдэг ш дээ. Тийм болохоор улс орноо еед татах гэдгийг сайн ухаарч чаддаггvй байсан биз. Харин дэлхийн 2-р дайнаар сайн ойлгож авсан биз дээ. Дайнд ялсан ялалтаа бас дан еерийнхее гавъяа гэж vзээгvй бегеед манайх шиг херштэй байхын давуу талыг ухаарчээ гэж дvгнэж болох юм шvv. Дайны тегсгелеес манай тусгаар тогтнолыг хvлээн зевшеерvvлэхээр ярьж эхэлсэн бегеед манайхныг Зевлелтийн сургуулиудадаа суралцуулж орчин veийн мэргэжилтэнгvvдийг бэлтгэж егч эхэлсэн л дээ. Гэхдээ дайны турш vзvvлсэн Монголчуудын гавъяаг дурсдаггvй хэвээр vлдээсэн юм

9 сар 16. 12:07
Зочин

ЗХУ нь хичнээн том олон цэрэгтэй байсан ч байлдах чадварын хувьд дарга нарынх нь удирлагын хувьд ч тухайн vеийнхээ дайн тулаанд бараг бэлтгэгдээгvй байсан гэх нь оновчтой тодорхойлолт болно. Тэр битгий хэл маршал Г.К. Жуков хvртэл 1939 онд Халх голын дайнд оролцож байж байлдана гэгч чухам юу болохыг монгол цэргvvдийг харж байж туршлага олж авсан байх нь баталгаатай билээ. Энэ тухай ч тvvний дурсамжид байдаг. Дэлхийн 2-р дайн эхэлснээс хойш Г.КЖуков нь ЗХУ-ын армийн командлагч болохоос емне улаан арми тэр чигтээ ухарсан байдаг. Сталин фронт командлагч нараасаа сайн vг сонсохгvй байсаар нийслэлээсээ авахуулаад бvх том хотуудаа бvcлэлтэнд оруулсан байсан. 1942 оны евлеес Алс дорнодын фронтод буюу Владивостокийн цэргийн тойрогт японы тvрэмгийллээс хамгаалж байсан 2 сая цэргээс 500 мянган монгол угсаатан цэргvvдийг Сталинград Москвагийн бvcлэлтийг сэтлэх шийдвэрлэх тулалдаанд оруулж анхны ялалт давшилтаа авсан тvvхТэр юм. Тэгэхэд монгол угсаатан цэргvvд очиж тулалдаж Зевлелтийн цэргvvдэд байлдах гэж юу хийдгийг зааж егсен юм билээ

4 сар 13. 18:18
Эбо

“Алхам ч ухарч болохгүй"
ЗХУ-ЫН БАТЛАН ХАМГААЛАХ АРДЫН КОМИССАРЫН ТУШААЛ
1942 оны 7 дугаар сарын 28. № 227 Москва хот

9 сар 16. 12:43
Зочин

Бvcлэгдсэн хотуудаа германчуудад алдахгvй тэсэж байх тушаал нь л даа. Энэ veэс бэлдсээр 42 оны евел эхлэхтэй зэрэгцээд Алс дорнодын фронтоос монгол цэргvvдийг иртэл Герман ч давшаагvй оросууд ч ухраагvй эн тэнцvv байсан гэнэ лээ дээ

2016, 11 сар 11. 22:41
Зочин

1 герман цэргийг устгахын тулд оросын 6 цэрэг амиа алдсан байдаг юм. Оросууд сая гаран цэргээ өөрсдөө буудаж алсан. Хулчгар байлаа гэж. Тэгэхлээр 5 цэрэг дайнд 1 цэрэг нь өөрсдийн бууны суманд гэсэн үг.

9 сар 16. 12:38
Зочин

Улаан арми 6 биш 3 цэргээ алдсан гэвэл илvv оновчтой таарах юм шиг. БХЯ-ных нь архивт 14,4 сая цэргийн бvртгэл байдаг гэж байна ш дээ. Дайны veд замбараагаа адлаа адлаа гэхэд 15-20 цэргээ бvртгэхгvй байна гэж юу байх вэ. Герман 5 -6 сая цэрэгтэй байсан гэвэл орос цэргийн тоо 30-36 сая байжийж 1:6 гэсэн харьцаа гарна ш дээ

8 сар 20. 10:08
Зочин

Оросууд цөөнгүй нөхдөө өөрсдөө нухсан байх. Зөвлөлтийн 20 сая хүн дайнд амь үрэгдсэн г гэж т эх орны дайны түүх номонд бичээд байхад юуны чинь 14 сая Харин 20 сая ийг дарж хэлсэн байх Түүнээс гадна бүртгэл судалгаанд хамрагдаагүй өчнөөн хүн л алга болсон

9 сар 14. 4:23
Зочин

Nana chini zuvhun tserhuudiin tuhai. Bichij.

3 сар 30. 13:41
багы

За яадгийн. Ялсан л бол барав.Монголчууд нэгийг албал солио, хоёрыг албал хожоо гэдэг биз дээ. Цөөхөн мөртлөө шүү.

1 сар 13. 14:08
Зочинhh

tegjbaijl yalsan yumshdee duumin

2016, 11 сар 11. 17:58
бат

1946 онд Германы фельдмаршал Кейтель Би дайнд үрэгдсэн 2 сая цэргийнхээ хойноос явлаа гээд дүүжлүүрийн давцан дээр хөл тавин гарч байсан юм Энэ тоо дайнд үрэгдсэн нийт герман цэргийн тоо бөгөөд одоо болтол өөрчлөгдөөгүй байна Харин үхсэн Орос цэргийн тоо огт байдаггүй байснаа саяхан л янз бүрийн тоо дуулдах боллоо

9 сар 16. 12:49
Зочин

Герман эзэлсэн орнуудаасаа нэмж цэрэг татахаас гадна олзлогдсон европын цэргvvдийг дайнд дайчилсан биз.

2016, 10 сар 5. 18:19
Зочин

ДҮРЭЭ НУУСАН ХЯТАД ИЛЖИГНҮҮД МОНГОЛЫН ТҮҮХИЙГ ОРОСЫН ТҮҮХИЙГ ГУЙВУУЛНА ГЭВЭЛ САЛААВЧ. ХЭН Ч БАЙСАН АДАГ СҮҮЛД НЬ ЯЛАА ҮҮРНЭ ШҮҮ. ҮХЭЛ ЧИНЬ ХАНХЛААД БАЙНА ӨМХИЙ ХЯТДАА.

3 сар 16. 7:33
Зочин

teneg druk

2016, 11 сар 14. 9:21
Зочин

Эргүү гэхэд багадахаар илжиг чинь харин чи байна. Монгол гэхээрээ заавал чам шиг эргүү донгио байх албагүй шүү

2016, 10 сар 1. 19:04
Зочин

Тэнэг Сталины бодлоггүй алхамын гайгаар дайны эхний үед хэдэн зуун мянгаараа хяргуулж байсан. Мөн том мундаг генералуудаа шууд буудан хороож байсан нь нөлөөлсөн. Уг нь зөвлөлтийн армиас ийм олон цэрэг амиа алдах ёсгүй л байсан байх. Муйхраар л зүтгэж байсан юм шиг. Дайн 4 жил биш ядаж 2 жилд дуусах бололцоо байсан байх. Гэхдээ зөвлөлтийн баатарлаг ард түмний гавъяаг бид хэзээ ч мартаж болохгүй. Д

2016, 9 сар 30. 20:46
Зочин

37 оны хэлмэгдүүлэлтээс болж улаан армийн шилдэг офицериудын ихэнх буудуулсан ингээд тооны олноор тулалдахад хүрсэн 2р дугаарт оросын аж үйлдвэрийн гол төл баруун германд эзлэгдэж олон үйлдвэрийг сибир болон үзбекстанд нүүлгэж танк онгоц үйлдвэрлэсэн ч хангалтгүй байсан Дайны эхний саруудад улаан армид нисэх хүчин бараг байхгүй Нисэхгүй хүчингүй улаан армийн хохирол өндөр гарна Америкаас шерман танкийг хэдэн мянгаар авч нөхөж байсан Дайны үед улаан армид гурван Т 34 танк бүрд нэг шерман танк байсан Шерман танкийн сэгүүд оросын нутгаас олдсоор байна үзэл суртлаас болж орос кинонуудад Шерман танк гардаггүй юм

2016, 9 сар 30. 20:35
Зочин

er dain ehleh ued Orosuud niseh huchin bolon tankiin toogooroo Germanaas ilt davuu baisan yum sh dee. 1942 onoos ene haritsaagaa butsaan olj avsan.

2016, 9 сар 30. 0:18
Зочин

Дэлхийн 2-р дайнд 20 000 000 хүн амь үрэгдсэн л гэдэг байсан.

2016, 10 сар 5. 18:17
Зочин

МАЛАА ЦЭРГИЙН ТОО НИЙТ ҮХСЭН ИРГЭДИЙН ТОО ӨӨР ӨӨР

6 сар 27. 10:54
Зочин

Нийт амь үрэгдсэн хүний тоо 70 гаруй сая

2016, 9 сар 29. 17:59
Зочин

ХЯТАДАА ЯДАЖ ЛВИКИПЕДИА ҮЗ. ГЕРМАНЫ 6 САЯ ЦЭРЭГ ОРОСЫН 11 САЯ ЦЭРЭГ ҮХСЭН. ЧАМАЙГ ЗҮГЭЭР ИЛЖИГ Л ГЭЖ ХЭЛИЙ ДЭЭ.

2016, 10 сар 14. 19:38
Зочин

Үхсэн гэх нь бүдүүлэг.Амь үрэгдсэн гэвэл зүгээр.

2016, 9 сар 29. 16:23
Зочин

Тэр үнэн, герман ветеран цэрэг ярилцлагандаа дайны эхэн үед оросууд тэдний пулемётын өмнө давшиж ирээд 40-50 уулаа хяргуулдаг байсан гэж ярьж байна лээ. Нэг пулемётын өмнө шүү тэд бүр гайхдаг байсан гэсэн

9 сар 14. 16:55
Зочин

тэр үнэн ахмад Герман цэргийн дуртгалд буу зэвсэггүй шахуу орос цэргүүд гүйлдээд ирдэг яг л тариан түрүү шиг л хяргаж өгдөг гэж ярьсан байдаг

3 сар 30. 13:45
багы

Эх орны төлөө бол яадын. "Хүзүүгүй" нөхрийн төлөө үхэж байгаа биш.

2016, 10 сар 19. 9:42
ггг

Наадах чинь харин үнэн байх шүү. Ямар сайндаа матрасовдох чинь жирийн үзэгдэл байсан шиг байгаа юм . Герман цэрэг тийм юм хараад зарим нь галзуурч байсан гэдэг шүү.

2016, 9 сар 29. 16:13
Зочин

угаасаа орос хүн нь л олон байснаас зэвсэг техник маш муу байсан. зарим киноноос харсан л байх цэргүүд ямар ч буу зэвсэггүй, 100 гр татаад л муухай орилоод л дайрч байгаа. ард нь комиссарууд пулемёттой ухарсаныг нь буудаж байгаа. тэгэхээр оросууд дайнд хүний олон ба архины халуунаар л ялсан. энэ бол бодит үнэн.

2016, 9 сар 29. 21:41
Зочин

chi chin yostoi kinonii huuhed bh shiv dee sain sudla aldart janjin generaluudiin namtar tuuhig ni unsh yadaj l aziig barag buheld ni ezelej usa-g aidast avhuulj delkhiin daind oruulj bsan kvantunii armiig 100 tatsan heden sogtuu oros herhen halh gold but tsohin gargah ve?

10 сар 5. 17:56
Зочин

Нийт 27-30 сая хүн үхсэн.

Сэтгэгдэл бичих
Санамсаргүй нийтлэл [ Энд дарна уу ]

Унших СЭДЭВ-ээ өөрөө сонгодог боллоо

12 сард сонгогдсон сэдэв
Дундад зууны Европ
13 сарын онцлох сэдвийн санал хураалт явагдаж байнаЭнд дарж саналаа өгнө үү