Ангилал

Сайтын талаар ярилцъя Уншигчдын санал бодол

Амжилттай хүмүүсийн унтахаасаа өмнө хийдэг 10 зуршилУншсан2,403

Манайхан зөв амьдралын зуршил, дадал хэвшил сахиж байна гээд л дасгал хөдөлгөөн хийж, фитнесст явж, хоолоо сойж, цагаан хоолтон болох нь бий. Мэдээж хэрэг зөв хооллолт, эрүүл ахуй хүнд хэрэгтэй л байлгүй яахав.

Манайхан зөв амьдралын зуршил, дадал хэвшил сахиж байна гээд л дасгал хөдөлгөөн хийж, фитнесст явж, хоолоо сойж, цагаан хоолтон болох нь бий. Мэдээж хэрэг зөв хооллолт, эрүүл ахуй хүнд хэрэгтэй л байлгүй яахав. Гэхдээ амьдралынхаа бүх зүйлийг зөв хэвшил дадалтай болгосноор тэдгээр хүмүүс уулзаад ярилцахад хүртэл цаанаа нэг таатай, зөв энергитэй болдог аж. Тэдний үйлдэл болгон нь амжилттай, үг болгон нь ухаалаг байдаг. Тэгвэл тэдгээр амжилттай явдаг, ухаалаг хүмүүсийн орой унтахынхаа өмнө хийж хэвшсэн дадал зуршлыг та ч бас өөртөө хэвшүүлснээр зорьсондоо хүрч, өөрийгөө элдэв буруу зүйлсээс холдуулж чадна.

 

Талархаж мэддэг

Амжилтад хүрсэн хүмүүс бүгд өөрт байгаа зүйлстээ үргэлж талархаж, эргэн тойрны хүмүүсээ үргэлж хүндэлж, сайхан энерги дамжуулж байдаг. Харин гутранги хүмүүс өөрт байгаа зүйлсээ үргэлж чамлаж, хэт материаллаг байдалд автаж, байгаа бүхнээ голж шилж өөрийгөө ч өрөөл бусдыг ч зовоодог. Энэ хоёрын хооронд маш том ялгаа бий. Хэрвээ та хоёр дахь төрлийн хүмүүсийн нэг бол яг одооноос эхлээд байгаа зүйлстээ талархаж, амьдралаа үнэлж сураарай. Үүнээс л таны амьдралын өөрчлөлт эхлэх болно.  

Уншдаг

Твиттер, фэйсбүүкийн элдэв янзын жиргээ, постууд, шар сонин, сэтгүүлийн талаар яриагүй юм шүү. Төсөөллийг тань уран зураг мэт амилуулах, шинэ сэргэг бодлуудаар тархи болоод сэтгэлийг тань дүүргэх уран зохиолын ном, урам зориг өгөх хувь хүний хөгжлийн ном зэргээс хэдхэн хуудсыг уншаад унтахад өглөөг сэргэг угтдаг ажээ.

Төлөвлөдөг

Маргааш болон ойрын хугацаанд юу хийхээ төлөвлөж, нэг бүрчлэн бичиж тэмдэглэхэд таны зорилго нэг алхмаар наашлана гэсэн үг.

Дүгнэдэг

АНУ-ын аугаа удирдагчдын нэг Бенжамин Франклин цаг тутамд өөртөө дүгнэлт хийдэг байсан гэдэг. Юун дээр алдаж, юун дээр амжилт гаргасан, ямар үйлдлээ засах зэрэгт анхаарлаа хандуулж байж цааш цаашдын үйлс хэргээ амжилттай биелүүлж чадна.

Бясалгадаг

Аз жаргалтай амьдралын нууц бол яахын аргагүй бясалгал. Энэ нь бодол санаагаа цэгцэлж, шинэ өдөрт өөрийгөө бэлдэж байгаа хэрэг юм. Хорвоогийн элдэв явдал хийгээд амьдралын утга учрыг тунгаан бодох нь өдөр тутмын амьдралд тохиолддог хүндрэл бэрхшээлийг даван туулахад маш их тус болдог.

Амарч чаддаг

Завгүй ажиллах, үр бүтээлтэй ажиллах хоёр тэс өөр ойлголт. Ажил амьдралдаа амжилт дэвшил гаргадаг хүмүүс орой унтахдаа бүх дарамтаа мартаж өөрсдийгөө стресстэй ажлаасаа чөлөөлж чаддаг. Ингэхийн тулд та халуун ваннд орох, ганцхан аяга халуун цай уух, дуртай зүйлээ хийх (юм оёх, хөгжим сонсох, зураг зурах) гэх мэтээр өөрсдийгөө тайвшруулж, үүнээсээ таашаал хүртэж, амарч чаддаг байх ёстой.

Эрүүл хүнс хэрэглэдэг

Одоо яах аргагүй эрүүл хооллолтын тухай ярих хэрэгтэй болох нь. Тухайлбал, тэд унтахаасаа өмнө хүнд махан хоол иддэггүй. Харин оронд нь халуун сүү, тараг уух зэрэг биеийг хоргүйжүүлэх, маргааш өдрийн ажилдаа биеэ бэлдэж, эрүүл хүнс тогтмол хэрэглэж хэвшсэн байдаг.

Дасгал хийдэг

Сунгалтын дасгал, биеийн чилээ гаргах хөнгөхөн дасгал, йога хийх зэргээр биеэ амрааж, зөвхөн маргаашийг төдийгүй ирээдүйгээ бодож эрүүл байхыг хичээгээрэй.

Гар утаснаасаа салж чаддаг

Нойр хүрч, ядарсан үед 20 минут л утас юмуу компьютерийн дэлгэц ширтэхэд нойр сэргэчихдэг. Гэхдээ энэ нь биеийг улам л ядрааж байгаа хэрэг. Нэг ёсондоо амрах шаардлагатай байгаа таны бие махбодь, оюун ухаан элдэв төхөөрөмжүүдэд "хууртагдаж" ажил хийхэд бэлэн болж өөрийгөө сэргээж байгаа нь тэр. Тэгвэл амжилттай хүмүүс орондоо орохоосоо өмнө онц шаардлагатай биш л бол хэзээ ч утас зэрэг төхөөрөмжийг ширтэж өөрийгөө хорлодоггүй байх нь.

Амрах тухтай орчин бүрдүүлж чаддаг

Унтахаасаа өмнө сонгодог аяз тавих, өрөөгөө сайхан үнэрээр дүүргэх, унтаж амрахад саад болохоор зүйлсийг гаргах, өрөөний хүйтэн дулааныхаа хэмжээг тохируулах гэх мэтчилэн тавтай амрах нөхцөлөө бүрдүүлээрэй.

Сэтгэгдэл 1ЭнгийнХэвтээБосооСэтгэгдэл бичих-Aa+
6 сар 26. 13:16
egel bor ninja

gajigtai garuudin orond orohoos umnu hiideg zurshil

Сэтгэгдэл бичих
Санамсаргүй нийтлэл [ Энд дарна уу ]