Ангилал

Сайтын талаар ярилцъя Уншигчдын санал бодол

Япон Орос руу довтолсон бол, Улаан арми Сибириэс 26 дивизээ татаагүй бол...Уншсан9,252

Токиод Зөвлөлтийн эсвэл Америкийн эсрэг дайн өдөөх нэгдсэн санаа байсангүй. Хэн нь тэдний дайсан бэ гэдгийг ч япон цэргүүд мэдэхгүй байв

Эри Хотта 

“АНУ-ын эсрэг довтлох гэсэн Японы санаа нь логик биш сэтгэлийн хөөрөл байсан. Токиод Зөвлөлтийн эсвэл Америкийн эсрэг дайн өдөөх нэгдсэн санаа байсангүй. Хэн нь тэдний дайсан бэ гэдгийг ч япон цэргүүд мэдэхгүй байв” хэмээн доктор Эри Хотта үзэж байна. Америкийн түүхчид АНУ дэлхийн II дайнд 418 мянган хүнээ  алдсан гэж үздэг. Харин япончууд өөрсдөө эхлүүлсэн дайнд гурван сая орчим хүнээ алдсаны сая орчим нь энгийн иргэд нь байжээ. Ням гаригийн өглөө Японы гэнэтийн довтолгоонд өртөн “үндэсний ичгүүрийн өдөр”-өө амссан Америк тэр үеийн дайнаас түүхэн сургамжаа аваагүй байж магадгүй, дайн нь Вашингтоны дипломатын алдаанаас болж дэгдсэн гэж “Пан-Азианизм ба 1931-1945 онуудын Японы дайн” номыг зохиогч, Оксфордын их сургуулийн гүн ухааны доктор Эри Хотта (Eri Hotta) бичжээ..

Японы эсрэг АНУ тодорхой хориг тавьсаны дараа Сувдан эргийн халдлага болсныг ч эрхэм доктор сануулжээ. Тэнгисийн цэргийн флотоо Сан-Диегогоос Пирл Харборт авчирсан нь Вашингтоны ээлжит дайсагнал болсон юм. Эзэн хаан Хирохитагийн хүрээ түүнийг эмзгээр хүлээн авсан байна.

 Хидеки Тозйо

АНУ-ын ерөнхийлөгч Франклин Рузвельт Японы ерөнхий сайд Фумимаро Коноэтай ярилцахаас татгалзсан нь Японд өгсөн сүүлийн алганы амт байв. Үүнээс үүдэн Коноэ дайн эхлэхээс гурван долоо хоногийн өмнө огцорсон юм. Японы цэргийг Хятадаас татах Америкийн тулган шаардлагын хариуд “Хятадын үндсэрхэг үзэлтнүүдийг санхүүгээр дэмжихгүй” гэдэг амлалтыг япончууд хүссэн ч дорвитой хариу авч чадаагүй. Тэгээд ч Японд асуудлыг зэвсгийн хүчээр шийдэх нь зүйтэй гэсэн баримтлал бүхий цэргийн сайд Хидеки Тозйо Засгийн газрын удирдлагад гарч ирсэн байлаа. “Үндэсний доромжлолын мэдрэмж нь Цагаан ордны тулган шаардлагын өмнө хагарсан удирдлагыг нэгтгэн тэдэнд дайны гол дайснаа тогтоох” боломжийг өгсөн гэж түүхч хатагтай бичжээ.

Самурай Ямамотогийн “ялалт”

Цэргийн талаасаа Америкийн Номхон далайн флотын гол хүчийг бут ниргэсэн “Хавайн ажиллагаа” нь гайхамшигтай тактикийн ялалт байлаа. Хэдхэн цагийн дотор АНУ-ын хохирол нь 2402 хүн алагдаж, 1282 хүн шархдаж дөрвөн линкор живж өөр дөрөв нь ихээхэн гэмтэлтэй  гарснаар хэмжигдэж байв. Гурван кейсер гэмтэл авч живсэн байв. Гурван эсминец, нэг мина тавигч онгоц устгагджээ. Америкийн 188-272 нисэх онгоц хөөрч ч амжилгүй устгагдсан байлаа. Япончуудын хохирол нь 64 хүний амь насаар хэмжигдсэн бөгөөд уг тулалдаанд  нэг л хүн олзлогдсон байв.

 Исороку Ямамото

Сонирхолтой нь Пирл Харбор дахь ажиллагааг удирдсан Японы Нэгдсэн флотын командлагч Исороку Ямамото цэргийн ажиллагааны эсрэг, ер нь АНУ-тай сөргөлдөхийн эсрэг байжээ. Харвардын их сургуулийг төгссөн тэрээр Вашингтонд цэргийн атташе байсан хүн.

Тэгээд ч зогсохгүй “Америкийн талын хүн” хэмээн милитаристууд түүнийг заналхийлж байсан гэдэг. “Тэд миний биеийг устгаж чадах авч сэтгэл санаа, үзэл бодлыг минь хөнөөж чадахгүй” хэмээн энэ талаар Орос-Японы дайны ахмад дайчин, Цусимагийн тулалдаанд хоёр хуруугаа алдсан самурай Ямамото хэлж байж.

Тэрээр "Япон АНУ-ын эсрэг амжилттай довтолж Зүүн Өмнөд Ази дахь европ колониудыг булаан авах бүр цаашлаад Сан-Франциског эзэлж чадах авч АНУ-ыг бүрэн эзэлж чадахгүй, зогсолтгүй довтолгооныг Япон хагас жилээс илүү хугацаанд үргэлжлүүлэх боломжгүй" хэмээн Засгийн газартаа анхааруулж байжээ. Гэвч эзэн хаандаа үнэнч тэрбээр самурайн замналаа даган Пирл Харборын ажиллагааг удирдан Хавайн арлуудын ойролцоо цэргийн урлагт шинэ хуудас нээсэн агуу ялалт байгуулсан ч энэ нь их дайнд ялагдахын үндэс, эхлэл байсан юм. Улмаар 1942 оны зургадугаар сард Мидуэй шүрэн арлын дэргэд америкчууд анх удаа япончуудыг ялснаар дайнд эргэлт гарсан юм. Ямамото 1943 онд амь үрэгджээ. Түүний сууж явсан онгоцыг Америкийн сөнөөгчид устгасан юм.

Түүх огт өөрөөр эргэж магадгүй байсан

 

АНУ дэлхийн дайнд татагдан орсон нь Европын үйл явдалд нааштайгаар, цаашилбал Зөвлөлтийн ялалтад нөлөөлсөн гэж түүхч үзэв. Пирл Харборын хэрэг явдал болтол ерөнхийлөгч Рузвельт “Америк тусгаарлалт” гэсэн бодлого барин иргэдээ Европын дайнд оруулахгүй гэж байсан юм. Гэтэл япончууд хэдийнэ Хасан ба Халх голын сөргөлдөөн, Хятадыг эзлэх аян дайнд татагдан орчихоод байв. Токиогийн Зөвлөлтийн эсрэг довтлохгүй гэсэн байр суурийг тагнуулчдынхаа ачаар баттай мэдэж авсан оросууд Москвад Сибирийн 26 дивизийг татаж авчран дайны оргил цагт нацистын армийн эсрэг сөрөг довтолгоон хийх боломжийг бүрдүүлж чадсан билээ. “Японы арми Германы Барбарос төлөвлөгөөнд нэгдэж Оросын дорнод зүгээс довтлон, АНУ тусгаарлах бодлогоо барьсан хэвээр байсан бол түүх огт өөрөөр эргэж магадгүй байсныг” Хотта доктор тэмдэглэсэн байна. Гэвч америкчуудын болон япончуудын санамсартай санамсаргүй үйлдлүүдээс шалтгаалан ийм зүйл болоогүй билээ.

Дэлхийн II дайн АНУ-ын хувьд Номхон далайд эхлээд Хойд Африкийн Марокко, Алжир, Тунис, Египет хүртэл үргэлжлэн 1943 оноос Сицил дараа нь Италид хүрсэн. Тегераны бага хурлын шийдвэрийн дагуу холбоотнууд болох  АНУ болон Их Британи 1944 оны зун хоёрдугаар фронтыг Европт эхлүүлсэн юм.

Сэтгэгдэл 14ЭнгийнХэвтээБосооСэтгэгдэл бичих-Aa+
1 сар 9. 16:39
ЗочинMGL

Цөс ихтэй ухаалаг эрчүүдээ манж орос хоёрт устгуулаагүй бол ийм үед монголчууд эвтэйхэн шиг нэгдээд авах бололцоо байсан л юм даа.

2016, 12 сар 22. 23:54
Зочин

Япон хэрвээ Сибирь лүү орсон бол Напалеоны арми шиг хөлдөх байлаа

2016, 11 сар 6. 10:16
boyobold

Япон түүхч л худлаа бурсан байна.Довтолж байсан армийг нь монголд няц гишгээ биз.

2016, 12 сар 22. 23:47
Зочин

чи 39 оны юм яриад байна харин энд 41 оны юм ярьж байна

2016, 11 сар 6. 9:47
Зочин

АНУ ленд лизээр туслаагүй Оросууд ялагдах байсан даа

2 сар 21. 15:17
Зочин

америк англиудаас өмнө орсууд давшдгаа давшаад эхэлчихсэн хэн ялах нь тодорхой болцон байсан

2016, 11 сар 6. 0:13
Зочин

Hogiin amerikchud nacistud yalagdah n todorhoi bologut bayrin byalunas huwaaltsah gj bl l ewropd 2r ftont neesen tunees bish dund zevsege borluulj asar ih ashig olj bs uls

2016, 11 сар 5. 11:55
Зочин

yaponchuud unendee tiim sain daichid baigaagui suuld l hollywoodiinhan samurai ninjka geh meteer tarhi ugaaj kino hiisnees bish manai uvuu morit diviziin baildagch edentei baildsan tuhaigaa yaridag baihad oilgoj avsan yum gevel yaponchuud bie jijigtei huch chadlaar hamaagui sul doroi ehleed uzehed zorigtoi met bolovch yag tulaand orood uzehed aminda ih hairtai shuud hevteed ugdug esvel buugaa hayaad zugtdag baisan gej yaridag baisan bas uvliin huitend yostoi tevcheergui baisan gej baigaa mongolchuud bol dangaaraa l barag yalchih tiim nuuts bololtsoo baisan gedeg herev medeej oorsdiin zevsgiin uildvertei baisan bol zugeer l easy

2016, 11 сар 4. 10:15
чукжа

сибирьлүү дайрсан бол ар талаасаа зэвсэг галт хэрэгсэл болон бүх хангамжаа тасалуулан сибирийн шаварт бүгд ясаа тавих байсан. үүнийг сайн ойлгож байсан учираас дайраагүй.сибирийн уугуул омог аймагын ганц анчин л өөрийн тайгдаа бухэл бүтэн ани нэгэтгэлгэлээс илүү хохирол учируулах чадамжтай.мөн монгол ч бас зөөлөн боорцог биш

2016, 11 сар 4. 20:16
Зочин

Үнэн шүү

2016, 11 сар 4. 10:14
Зочин

за тэгээл угаасаа япончууд америкийг барахгүй байсан ба амеркууд хэрэв германчуудтай дангаараа байлдсан бол бараг юу ч үгүй болж байж л удаан сунжирсан дайны дараа яалах байсан цөм хэрэглээд угаасаа ялж байсан оросуудад европыг алдахгүй гээл 2р фронт нээсэн нэг талаасаа зөв нөгөө талаасаа ичмээр ххэхэхэ

2016, 12 сар 22. 17:38
Зочин

Юуун цөм бэ ?

2 сар 28. 18:46
Зочин

Атомын бөмбөгийг л хэлж байна шдээ толгойгоо ажлулл

2016, 11 сар 3. 20:26
Зочин

Энэ нээрээ үнэн новшийн ***** юмаа

Сэтгэгдэл бичих
Санамсаргүй нийтлэл [ Энд дарна уу ]