Ангилал

Сайтын талаар ярилцъя Уншигчдын санал бодол

Анхны тоо - Хүн төрөлхтний хамгийн хэцүү бодлого-5Уншсан2,668

Уншигч та бүхэндээ Ч.Дөлгөөний бэлтгэн хүргэдэг "Анхны тоо - Хүн төрөлхтний хамгийн хэцүү бодлого" цувралын шинэ нийтлэл бэлэн боллоо.

Уншигч та бүхэндээ Ч.Дөлгөөний бэлтгэн хүргэдэг "Анхны тоо - Хүн төрөлхтний хамгийн хэцүү бодлого" цувралын шинэ нийтлэлийг хүргэж байна.

Өмнө нь энэхүү цувралын дараах нийтлэлүүдийг хүргээд байгаа билээ.


Доктор Маркус Саутои (Marcus Sautoy): Анхны тоо болон атом электрон хоорондоо холбоотой гэж хэн ч өмнө нь бодоогүй байх.

Анхны тооны оньсогыг тайлах гэж байсан эрдэмтэд математикийн салбарт судалгаа хийж, атом электроны зүй тогтолыг хайж байсан эрдэмтэд физикийн салбар судалгаа хийж байсан. Доктор Монтгомери болон доктор Дайсоны уулзалт нь гэнэтийн байдлаар 2 өөр ертөнцийг нэгтгэж өгсөн юм. Маш гайхамшигтай үйл явдал болж анхны тооны судалгааны шинэ эрин үеийг нээсэн билээ.

Риэманий 0 цэгүүд болон атомын цөмийн гайхалтай хамаарал. Гэвч анхны тооны 0 цэгийн дараалалтай яг давхцах цөмийн энергийн өөрчлөлт бүхий химийн элемент орших эсэх нь мэдэгдээгүй байлаа. Хорвоо ертөнцөд 100 илүү химийн элемэнт байдаг ба 0 цэгийн дараалалтай давхцах химийн элемэнт байгаа болов уу. 1980-д онд эрдэмтдийн судалгааны ажил нь энэхүү асуултын хариулт болох химийн элемэнтийг олох ажил байлаа. Харин өөр нэгэн өнцгөөр харсан судалгаа хийсэн эрдэмтэн гарч ирэв.       

 

Англи улсын Бристолийн Их Сургуулийн физикч, доктор Майкл Берри (Michael Berry). Микро ертөнцийн оньсогыг тайлах судалгаа хийх түүний судалгаа нь маш өвөрмөц арга болно. Энэ нь биллярдны ширээ.

Гэхдээ физикч түүнд бодитоор байдаг билльярдын ширээ хамааралгүй. Микро ертөнцөд жишээлбэл жижигхэн биллярдны ширээ байвал яах вэ гэсэн судалгаа.

 

Та бүхэн ч сайн мэдэх хагас дамжуулагчийн чип. Түүн дотор билльярдны ширээн дээрх шааригтай адил атом хөдөлж байдаг. Доктор Берригийн судалгаа нь ирээдүйн хагас дамжуулагчид ихээхэн үүрэг гүйцэтгэнэ гэж үздэг. Гэхдээ доктор Берригийн төсөөлөх микро ертөнцийн биллярдны ширээний хэлбэр маш өвөрмөц.

Доктор Берри: Энгийн биллярдны ширээн дээрх шаариг нь тэгш өнцөгт тавцан дээр өнхөрдөг. Харин биллярдны  ширээний тавцангийн хэлбэрийг жишээ нь зүрхэн хэлбэртэй болгон өөрчилж микро ертөнцөд тавин шааригны хөдөлгөөнийг үзнэ.

Маш өвөрмөц санаа байгаа биз. Докторын үзэж байгаагаар тэгш өнцөгт хэлбэртэй биллярдны ширээн дээрх шааригны хөдөлгөөн энгийн байсан бол зүрхэн хэлбэртэй биллярдны ширээн дээрх шааригны хөдөлгөөн нь маш адармаатай болно.  Гайхалтай зүйл нь юу вэ гэвэл зүрхэн хэлбэрт биллярдны ширээн дээрх шааригны хөдөлгөөн нь учир шалтгаан нь одоогоор тодорхой бус ч атомын энергийн өөрчлөлттэй төстэй болох нь тодорхой болсон. Шинжлэх ухааны салбарт маш гайхалтай нээлт гэж үзэж байгаа.

Доктор Берри: Энэ нээлтийг хийсэн үед маш их баяр хөөртэй байлаа. Миний амьдралын хамгийн сайхан, оргил үе байсан. Энэ нээлт бол маш цөөхөн тохиолдох нээлт.

Хүн төрөлхтний тайлах гэж оролдож ирсэн анхны тооны зүй тогтол нь микро ертөнцтэй холбоотой болох нь олон арван судалгаагаар ил болж эхэллээ.   Физикчдийн нээсэн шинэ нээлтэнд Риэманий таамаглалаас зайлсхийж байсан математикч нар ихээхэн гайхаж байсан нь гарцаагүй.        

1996 он. Сиэтл хот. Анхны тоо болон Риэманий таамаглалын тухай математик, физикийн салбарын эрдэмтэд уулзалт зохион байгуулав.

Доктор Брайан Конри: 1996 он хүртэл математикч нар өөрийгөө Риэманий таамаглалыг батлах гэж оролдож байгаагаа бусдад хэлэхээс зайлсхийдэг байлаа. Яагаад гэвэл хүн болгоны доог тохуу болдог байсан болохоор. Гэвч төрөл бүрийн мэдлэгийг нэгтгэх цаг нь болсон байжээ. Физикийн ухаан, математикийн ухааны төрөл бүрийн салбарын Риэманий таамаглалыг сонирхож байсан олон арван эрдэмтэд нэг дор цугларсан.

 

Уулзалтад оролцсон эрдэмтэд гэвэл 0 цэгийн дараалал болон цөмийн энергийн өөрчлөлтийн тэгшигтэл төстэй гэдгийг анх олсон доктор Монтгомери, зүрхэн хэлбэрт биллярдны судалгаа хийж байсан физикч доктор Бэрри зэрэг анхны тоо болон Риэманий таамаглалыг судалдаг эрдэмтэд байлаа. Хурлын хамгийн гол асуудал нь доктор Берри нарын нээсэн физикийн ертөнцөд бий болох үзэгдэл нь 0 цэгтэй хэрхэн холбогдохыг математикийн ухаанаар тайлбарлахад байв.

Доктор Петр Сарнакк: Микро ертөнцийн физик үзэгдэл болон 0 цэгийн дарааллын төстэй шинж чанарыг хэрхэн тайлбарлах нь тодорхой бус байсан. Математикч бид нарын хувьд ижил төстэй шинж чанартай байхад л болно гэж үзэхгүй Риэманий таамаглалыг батлах нь чухал. Физикчдын нээлт юуг илэрхийлж байна вэ, хэрхэн батлах вэ гэдэг нь асуудал байлаа.

Уулзалтын уур амьсгалыг ихээхэн өөрчилсөн нэгэн хүн байлаа. Математикийн ухааны салбарын суут ухаантнуудын нэг доктор Алан Конн (Alan Connes). Энэхүү суут ухаант эрдэмтэн физикч нарын илтгэлийг сонсоод нэгэн шинэ зүйлийг анзаарчээ.  

Доктор Алан Конн: Доктор Берри зэрэг физикч нарын илтгэлийг сонсоод би "Физикч нар шинэ төрлийн орон зайг хайж байна" гэж ойлгосон. Анхны тоотой холбоотой нэгэн төрлийн динамик орон зай. Доктор Монтгомери нарын судалгаанаас эхлэн бүгд л нэгэн шинэ орон зайг хайж байсан гэж болно. Тэгээд физикч нарын хайж байсан орон зай нь миний хамтрагч нартайгаа нээсэн "Коммютатив биш геометр" (noncommutatite geometry) гэсэн орон зайтай төгс ижил гэдгийг анзаарсан. Энэ үйл явдалаас эхлэн би үнэн сэтгэлээсээ анхны тоог судлах болсон.

Доктор Брайан Конри: Доктор Алан Конн Риэманий таамаглалыг сонирхож эхэлсэн гэж сонсоод маш их сэтгэл хөдөлж байлаа. Филдсийн шагнал хүртсэн тэрээр математикийн ухааны олон салбарт ихээхэн нөлөөтэй эрдэмтэн.

Доктор Маркус Саутои: Доктор Алан Конн бол суут ухаант математикч. Тэрээр судалгаанд оролцсоноор Риэманий таамаглалын баталгаа хийх том алхам болж магад гэж бүгд бодсон байх. Энэ үйл явдал өмнө нь Гаусс болон Риэман нарын сэтгэж байсантай адил аливаа зүйлийг шинэ өнцгөөс харна гэсэн үг.

Доктор Конний судалгааны салбар нь микро ертөнцийн орон зайг тайлбарлах коммютатив биш геометр (noncommutative geometry) гэгдэх орчин үеийн геометрийн шинэ салбар. Бид бүхний амьдарч буй орон зай нь үргэлжилсэн холбоос бус маш жижигхэн тасархай хэсгүүдээс бүтсэн гэх геометрийн ухаан болно.

Мөн энэхүү коммютатив биш геометр нь одоо ч бүрэн тайлбарлагдаагүй байгаа квантийн физикийг ихээхэн өөрчилж, "Theory of Everything"-н үндэс болно гэж үздэг.

Доктор Конн уулзалтанд анзаарсан зүйл гэвэл коммютатив биш геометрийн ухаан нь анхны тоотой гүнзгий холбоотой гэдгийг анзаарсанд байлаа.   

Доктор Маркус Саутои: Доктор Коннийн эхлүүлсэн коммютатив биш геометр нь итгэхийн аргагүй асар их боломжийг агуулдаг. Физикийн ухааны салбарын "Theory of Everything"-н суурь болох Суперстринг онолд ч хэрэглэж байна. Мөн коммютатив биш геометрийг ашиглан анхны тооны оньсогыг тайлах оролдлого хийгдэж байна. Тиймээс энэ үйл явдал нь хорвоо ертөнцийн физик үзэгдэл болон анхны тооны хоорондын хамаарлыг харуулна гэсэн үг.

Сиэтл хотод болсон уулзалтаас хойш өнөөг хүртэл доктор Конн зэрэг эрдэмтэд коммютатив биш геометрийг ашиглан анхны тооны оньсогыг тайлах олон арван судалгааны ажил хийжээ.

Нэгэн математикч ийнхүү хэлжээ: Коммютатив биш геометрийн ухааныг ашиглан анхны тооны оньсогийг тайлах тэр үед "Theory of Everything" бүрэн төгс болно.

Өмнө нь Эйлэр, Гаусс, Риэманий хайж байсан ямар ч зүй тогтолгүй мэт харагдах анхны тооны дарааллын цаана нуугдаж байсан хамгийн чухал утга нь "Theory of Everything" буюу хорвоо ертөнцийг бүтээгч Бурханы зохиосон зураг байж магад.

Риэманий таамаглалыг батлахаар олон жилийн амьдралаа зориулж буй доктор Луй Бүранжи таамаглалыг баталсанаа зарлана гэсэн мэдээ дуулгав.

Математикийн салбараас зайгаа барин, олон улсын хуралд ч үл оролцох доктор Луй Бүранжи. Анхны тоо нь микро ертөнцтэй гүнзгий холбоотой гэх докторын итгэл үнэмшил нь олон математикч нарын үзэл бодолтой нийцэх болсон.

Доктор ч мөн адил "Коммютатив биш геометр" нь Риэманий таамаглалыг батлах түлхүүр болно гэж өөрийн судалгаандаа бичжээ. Докторын хэлэх коммютатив биш геометр нь доктор Конн нарын судлах коммютатив биш геометртэй адил эсэх нь тодорхой бус. Мөн өвгөн докторын баталгаа нь хүн төрөлхтний түүхэнд хамгийн хэцүү бодлогыг баталсан гэдгийг одоогоор хэн ч мэдэхгүй.

Урьд нь гурван ч удаа Риэманий таамаглалыг баталсан гэж зарлаад буруу байсан ч энэ удаа бол итгэлтэй байна гэх доктор Бүранжи. Гэвч бас ийнхүү хэлэв. "Энэ удаагийн баталгаа буруу байсан ч гэсэн би дахиад л батлахыг оролдох болно. Яагаад гэвэл би хүн төрөлхтний түүхэнд хамгийн хэцүү бодлогыг бодохыг үргэлж хүссэн математикч баймаар байна" гэжээ.

Математикийн ухааны салбарт түүний баталгаа үнэн зөв эсэхийг хүлээн зөвшөөрөхөд хамгийн багадаа 2 жил шаардагдана. Олон арван математикт нарын нарийн шалгуурыг давах шаардлагатай.        

Сэтгэгдэл 8ЭнгийнХэвтээБосооСэтгэгдэл бичих-Aa+
7 сар 29. 17:47
Зочин

Цэвэр математикийн анги сонгоод явж байсан бол би явах ёстой, зөв замаараа явж байна гээд л хүмүүс харахад нэг эгэл бус амьтан явж байх байсан байх даа хэхэ... Баярлалаа

6 сар 15. 17:28
Мб

Сонирхолтой нийтлэл байлаа баярлалаа

4 сар 11. 20:54
уншигч

Баярлалаа. Дахиад олон сайхан нийтлэлийг оруулаарай

3 сар 15. 17:12
Зочин

сонин сайхан цувралаар оюуныг минь мялаасанд баярлалаа. илүү их сонирхолтой материалууд оруулж байгаарай.

2016, 12 сар 22. 1:11
Зочин

Төгсгөлийг тэвчээртэй хүлээсэн шүү Баярлалаа

2016, 12 сар 20. 14:21
Зочин

Superstring onoliin tuhai hen neg ni bichij ugnu uu

2016, 12 сар 20. 14:00
Зочин

odoo ch batlagdaagui gesen ug uu

1 сар 16. 22:01
Зочин

би ноднин баталсан. наадуул чин даанч удаан шалгаад бна оо ирэх жилээс нь миний баталгааг зарлах байх

Сэтгэгдэл бичих
Санамсаргүй нийтлэл [ Энд дарна уу ]