Ангилал

Сайтын талаар ярилцъя Уншигчдын санал бодол

Чингисийн онгон олсон гэдэг ташаа мэдээлэл болохыг цагдаа нар тогтоожээУншсан2,300

“Архелогичид Монголд Чингис хааны онгоныг оллоо” гэх мэдээлэл олон нийтийн сүлжээнд цацагджээ.

 

“Архелогичид Монголд Чингис хааны онгоныг оллоо” гэх мэдээлэл олон нийтийн сүлжээнд цацагджээ. Энэ дагуу Эрүүгийн цагдаагийн албаны алба хаагчид шалгалтын ажиллагааг явуулж үндэслэлгүй мэдээ болохыг олж тогтоосон байна.

Уг мэдээлэл нь 2014 оны 11 дүгээр сард Израйль улсын Тел Авив хотод төвтэй www.worldnewsdailyreport.com сайтад нийтлэгдсэнээс манай улсын нэгэн телевиз эх сурвалж авч мэдээ бэлтгэн 2015 онд үзэгчдэд хүргэж байжээ.

Тухайн телевизийн бэлтгэсэн “Чингис хааны онгоныг олжээ” мэдээг 2018 оны 02 дугаар сарын 14-нд “Цуурхал” гэх нэртэй фэйсбүүк хуудаст нийтэлсэн нь иргэд, олон нийтийг төөрөгдөлд оруулжээ. Цагдаагийн алба хаагчид уг асуудлыг шалгахдаа гадны эх сурвалжууд болон түүх, архелогийн эрдэмтэн, судлаачидтай хамтран ажилласан бөгөөд энэхүү мэдээлэл худал болохыг эрдэмтэн, судлаачид ч баталсан байна. Иймд иргэд энэ мэтчилэн баталгаагүй, албаны эх сурвалжгүй худал, ташаа мэдээлэлд хууртахгүй байхыг зөвлөсөн байна.

Ийм мэдээлэл Zaluu.com сайтад нийтлэгджээ. Ямартай ч энэ улс эзэнтэй, төртэй гэдгийг харуулж цагдаагийнхан маань шалгалт хийж, үнэн худал эсэхийг тогтоосон бололтой. Дээр дурдсан мэдээллийн мөрөөр манай нэгэн телевиз мэдээ цацсан гэдэг нь харин энэ бололтой.

Чингисийн онгоныг оллоо гэх мэдээлэл байсгээд л гадаад, дотоодод цацагдаж тэгсгээд худал болох нь батлагдаж намждаг.  Харин энэ удаа сошиал сүлжээнд багагүй хүчээ аваад байсан мэдээллийг худлаа болохыг шуурхай ажиллаж тогтоосон цагдаагийнхандаа талархах хэрэгтэй.

Сэтгэгдэл 0ЭнгийнХэвтээБосооСэтгэгдэл бичих-Aa+
Санамсаргүй нийтлэл [ Энд дарна уу ]